Yohana 19:6 - Dadiya NT

⁶ Dʊʊm nǝbkǝlamɔ jǝbɔ nǝb dʌngtǝm Kan Kwaamanɔ ja kuwo Yesui, nǝngɔ jǝ gaba kwaalɨgɔ lɛ, jǝ sʊwa lɛ gɔ, “Kʊʊ gǝn! Kʊʊ gǝn!” Bilatus a sʊwa ji gɔ, “Jǝ́ ta gǝn ya jǝ́ kʊʊ gǝn nǝn kang jen, mǝ nya gǝn bɔ nǝn kaa bwɨlangkɛl.”

Yohana 19:6 交叉參考

Yohana 18:31

Nǝngɔ Bilatus a sʊwa ji gɔ, “Jǝ́ shu nǝn gɔ nǝn dul jen. Jǝ́ maa gǝm kanga diil jenɔ a nʊngɨ.” Nǝngɔ Yahudawagɔ a sʊwa gǝn gɔ, “Ja nǝ nǝn bɔ kwaan biyotǝm borang jʌtǝm dul.”

Yohana 19:4

Nǝngɔ Bilatus a yǝla a jel, a sʊwa Yahudawagɨɨ gɔ, “Jǝ́ dʌng, mǝ jel jem lɛ nǝn gɔ. Mǝ swɨ lɛ jǝ́ nyǝm mǝ nya gǝn bɔ nǝn kaa bwɨlangkɛl.”

Maajɨ Bɛtɔ Twamagɨɨ 7:52

A mʊgɔ nǝbkuwotǝmkǝga nɨ, nuwo a kʊm jin tʊgalam jenɔ a nǝ bɔ gaalanɨ? Ja jʌ nǝb nɨ a sʊwa kɛl a bɛtǝm Nǝ Dǝngdǝng nɨ. Nǝjen tag jǝ́ lungto gǝn, jǝ́ jʌ gǝnɨ.

Maajɨ Bɛtɔ Twamagɨɨ 2:23

Yesu nɨ, ja nǝ gǝn a kang jeni kanga Kwaama a fɛkam nǝn nyǝmtǝm gǝn nǝn tɨkǝgaɨ, jǝ́ kʊʊ gǝn, jǝ́ jʌ gǝn, a kang nǝb bwɨlamɨ.

Yohana 19:15

Yahudawagɔ a tɨtǝn matǝm bwaalɨgɔ gɔ, “Jʌ gǝn, jʌ gǝn, kʊʊ gǝn.” Nǝngɔ Bilatus a bʌ ji gɔ, “Jǝ́ swɨ lɛ n kʊʊ fɔlɔ jenɔ ka?” Nǝngɔ dʊʊm nǝbkǝlamɔ ja jǝla gɔ, “Mɨ nǝn nǝ kaa fɔlɔ na ke bɔ Kaisarɨ.”

Luka 23:4

Nǝngɔ Bilatus a sʊwa dʊʊm nǝbkǝlamɔ jǝbɔ nǝbɔ a mʊrkaɨ gɔ, “N fɨɨ nʊ nɨ. Mǝ nya gǝn bɔ nǝn kɛl nɨ a yǝlam na borangɨ.”

Matta 27:24

Bilatus a kuwo ga laa bɔ kwaan jinɔ, kutʌmɔ swɨ lɛ a guni, nǝngɔ a dʊwa mwɛmɔ a saalǝm kang gǝnɔ a kǝga nǝbɨɨ, a sʊwa gɔ, “A mǝndɨ n jelʌm mɨ mwɛ mɨ wo a tʊʊm nʊ nɨ gǝm. Wʊnɨ n mwɛ jen.”

Matta 27:22

Bilatus a bʌ ji gɔ, “N wɛ mǝ maa lɛ nǝn Yesu wʊnɨ jǝ jo lɛ gɔ Kiristii?” Gwam jinɔ ja jǝla gɔ, “Ja kʊʊ gǝn.”

Matta 26:58

Bitrus bwang gǝm lɛ a gul a kʊta, ba la a talɨ lɔngɔ dalɨ nǝkǝlagɔ yɨm lɛɨ. Nǝngɔ a dɔ a gǝla a yɨ wo jǝbɔ nǝb tɔɔtǝm Kan Kwaamanɨ, sǝ gǝ kuwo jʊ bwɨ lɛɨ.

Yohana 18:3

Yahuza a do sʊwajaamtɨnɔ jǝbɔ kaam nǝb dʌngtǝm Kan Kwaamanɔ a daagɔ dʊʊm nǝbkǝlamɔ woi jǝbɔ nǝbɔ Farisaɨ. Ja bɛ a daagɔ nǝn kʊʊnɨ kǝla, jǝbɔ fitilatɨn jǝbɔ kanjǝl tatǝm kun.

Yohana 18:38

Bilatus a jǝla gǝn gɔ, “N wɛ nyɨ n bɨlǝngkɛlɨ?” A bʌ kɛl nɨ nyɨɨ, nǝngɔ a yǝla a jel a daa Yahudawagɔ woi, a sʊwa ji gɔ, “Mǝ nya gǝn bɔ nǝn bwɨlangkɛl.