7 Nǝb mɛlalɨ diilɔ jǝbɔ nǝbɔ Farisaɨ ja tal Yesu gǝm nu sǝ jǝ kuwo jʊ nɨ Yesu maa lɛ nǝn Kum Fǝbtǝmɨ kɛna gung nʊ nɨ lɛ kangɔ a swam swamɨ, sǝ jǝ nya gǝn nǝn bwɨlangkɛl.
Nǝngɔ nǝb dʊʊm nɨ a saa gola ja sʌblo Yesu daddadɨ. Ja twam nǝb jatɔlɔ, ja nʊng dul jinɔ maamɔ jǝ nǝb dǝngdǝng. Ja twam ji sǝ ja shi Yesu gǝm kwalɨ nǝn bʌtʌm kɛl nɨ jǝ maa gǝm lɛɨ, sǝ ja yɔ nǝn gɔ a daa nǝb kwaan fɔlɔn gwamnagɨɨ.
Nǝl nǝ dʊʊ kan mɛlalɨ nɨ a kala a dul Yesui a kɛl gungtǝm nǝ bɔɔla nɨ nǝn Kum Fǝbtǝmɨ. “A sʊwa nǝbɔ gɔ kumɔ nukun na maatǝm maajɨ. Jǝ́ bɛ ja gung jen a kumtɨn gɔ. Ke bɔ a Kum Fǝbtǝm.”
Kaam nǝbɔ Farisaɨ gɔ, “Nʊ nɨ a jel bɔ a daagɔ Kwaamaɨ woi, jʊ a bwɨɨ a kɨla bɔ Kum Fǝbtǝmɔ.” Kaamɨ a maa bʌtʌm gɔ, “La maa nyǝn nǝ bwɨlangkɛl dwal maa kanjǝl laatǝm kang nɨ lɛɨ?” Nǝngɔ bʊʊlalɨ jinɔ a beli.
