Ibranii 12:2 - Dadiya NT

² Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 12:2 交叉參考

Matta 16:21

A kumtɨn gɔ, Yesu a tǝl fɛta bɛtɔ mɛlalɨ gǝnɔ kɛlɔ lɛ gɔ, “A yǝlam nyɔ n yɔ a Urushalima, mǝ nɔɔ nɔɔ gaalan nǝn dʌmʌn a kang nǝb dʊʊmɨ, jǝbɔ dʊʊm nǝbkǝlamɔ jǝbɔ nǝb mɛlalɨ diilɔ. Jǝ jʌ i jʌ i. A kum na taalɔ gǝm, mǝ gun gun nǝn dʊʊmɨ.”

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Markus 14:36

Sʊwa lɛ gɔ, “Tɛtɛ, Tɛtɛ, kanjǝlɔ gwam yǝlam nyɔ a daa mʊ woi. Dem mɨ gaalan nɨ. Maa jʊ mʊ swɨ lɛ ń maaɨ, ke bɔ jʊ mǝ swɨ lɛɨ, maa jʊ mʊ swɨ lɛɨ.”

Markus 15:28

Wʊnɨ yiitǝm mʊlalɨ nɨ a sʊwa gɔ, “Ja kiyo gǝn a mʊgɔ nǝb bwɨlangkɛlɨ.”]

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Markus 9:12

Nǝngɔ Yesu a jǝla ji gɔ, “Bɨlǝngkɛl, Iliya tǝl bɛ bɛ, ba fɛka kanjǝlɔ tʌgo dǝngdǝng gwam. N wɛ a bwɨ ja mʊla tag gɔ, Bʊla Nǝlɨ, nɔɔ nɔɔ gaalan a gǝlala, jǝ kɔ gǝn kɔ tagɨ?

Markus 9:24

Nǝngɔ tɛ bwɛ a ga kwaalɨ gɔ, “N nǝ bɨlǝngkɛl! N kela ń, tɨka ɨ sǝ n sʊtǝn nǝtǝm bɨlǝngkɛlɔ.”

Luka 17:5

Bɛtɔ twamagɔ a sʊwa Tɛlalɔ gɔ, “Sʊ nǝm nǝtǝm bɨlǝngkɛlɔ.”

Luka 23:11

Hiridus jǝbɔ sʊwajaam gǝnɔ ja tuwo Yesu. Nǝngɔ ja mal gǝm bɛllɛ dʊʊnɔ ja tʊng Yesu a daa Bilatus woi.

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 12:24

N bɨlǝngkɛl mǝ sʊwa jen nɛɨ, na ja kwal bɔ jaamɔ a bʊlaɨ, yɨ kwaagɔ win. Na ja kwal a bʊlaɨ, jǝg jǝg nutɨnɔ a lada.

Yohana 12:32

A mǝndɨ na ja gung i a dʌbʌl tɨyaɨ, mǝ gʊ gʊ nǝbɔ gwam a bɛ a daa mɨ woi.”

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Yohana 8:56

Tɛtɛ jen Ibrahim a maa fulotǝm nǝl nyangǝn, jʊ a bwɨɨ kuwo kuwo jol mǝndɨ. A kuwo, a maa fulotǝm nǝl.”

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

1 Korinti 1:18

Kɛl kʊʊtǝmɔ, n kɛl fʌmʌn a nǝb nɨ a gola kalatǝmɨ. N kwaan Kwaamaɨ a daa bǝn woi, bǝn nɨ ja bʊʊ nǝn bǝnɨ.

1 Korinti 1:23

Nǝn nǝn kiyo kɛl Kiristii nǝ kʊʊtǝm, wʊnɨ a dǝg Yahudawagɔ a fǝ naaɨ, n jǝ fʌmʌn a daagɔ Bʌtʌbɔ woi.

Afisa 2:16

A dɔ kʊm dʊʊm nɨ yoi tag. A mʊrka ji jǝbɔ Kwaama. Ja yǝlam bʊtɔgɔ win a gola kʊʊtǝm a tɨya. A gola nɨɨ, a kalǝm kii nɨ a wʊlaka jii.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Filibii 1:6

Mɨ nyǝmatǝm wo, Kwaama nɨ a tǝl maajɨ nyan nɨ a daa jen woi, yɔ yɔ nǝn a dɨltǝm dɨsɔ a la nǝn a kɔkɔ bɛtǝm Yesu Kiristii.

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Ibranii 1:13

A kʊm bɛtɔ twama Kwaamaɨ, nuwo Kwaama a sʊwa wo gɔ, “Yɨ fɔ a kang jajǝng mɨ, ba la nǝn kwama nɨ mǝ dǝg nǝb kiim mʊnɔ lɛ ja yǝlam daa fatǝm naa mʊnɨ”?

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 10:14

Gǝ na a tǝlatǝm twama naa win, a yii nǝb nɨ ja buti ji sagsag mɨ dɨtǝm woi.

Ibranii 10:33

Kaam ditɨnɔ jǝ tuwola jen nɛ, jǝ nǝ jen gaalan nɛ a kanjǝlɔ gǝm a gǝlala a kǝga nǝbɨɨ. Kaam ditɨnɔ jǝ́ nɔɔ gaalan nɛ dakini jǝbɔ nǝb nɨ jǝ nǝ ji gaalan nɛɨ.

Ibranii 11:36

Kaamɨ a nya mogtǝm jǝbɔ banjangɨ, ja bwa ji ja mal a lɔsomi.

Ibranii 12:3

Bɛ jǝ́ dʌng nʊ nɨ a kʊ nǝl a kii nɨ nǝb bwɨlangkɛlɔ maa gǝm lɛɨ, kage a lʊwa jen jǝ́ dem nǝl.

Ibranii 13:13

A dul kɛl nɨ, bɛ bǝ jel tǝbǝn ya bǝ nya gǝn a gulen, sǝ bǝ nɔɔ gaalanɔ ja nǝ gǝnɨ.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Yakubu 2:1

Kɛtǝlam mɨ, ka jǝ́ nʊng lɛ swɨtǝm dul a kʊm jen, jʊ a bwɨɨ jǝ́ kwɛl jǝ́ ya nǝtǝm bɨlǝngkɛl jenɔ a daagɔ Tɛlalɔ bǝn Yesu Kiristi woi, nʊ nɨ nǝn Tɛlalɔ Nǝ dʊʊlǝnɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

Dʊgam Nyangnyang 1:11

Sʊwa lɛ gɔ, “Mʊla jʊ mʊ kuwo a mʊgɔ langǝn bwangǝnɨ, sǝ ń twam mʊrkalɨ nǝb bwangtǝm Kwaamaɨ nɨ gǝm daatɨnɔ nʌbʌli, bǝ Afisa jǝbɔ Simirna jǝbɔ Birgamas jǝbɔ Tayatira jǝbɔ Sardisu jǝbɔ Filadalfiya jǝbɔ Lawudikiya.”

Dʊgam Nyangnyang 1:17

Nǝn kwama mǝ kuwo gǝnɨ, nǝngɔ mǝ yal a kǝga gǝn na bʌlʌni. Nǝngɔ a ya mɨ kang jajǝng gǝnɔ a duli, a sʊwa ɨ gɔ, “Ka ń nyʊwa lɛ taal. Nǝmǝ mǝ tǝltǝmɔ jǝbɔ dɨltǝmɨ.

Dʊgam Nyangnyang 1:8

Tɛlalɔ Kwaama a sʊwa gɔ, “Nǝmǝ mǝ Alfaɨ. Nǝmǝ mǝ Omegaɨ.” Nǝn gɔ galɨgǝnɨ, nǝn gɔ kǝngkɨɨ, nǝn gɔ tag a kǝga nɨɨ, Nǝ Kwaan.

Dʊgam Nyangnyang 2:8

“Bɛ ń mʊla bwɛ twama Kwaamaɨ nɨ a mʊrkalɨ nǝb bwangtǝm Kwaamaɨ nɨ a Simirnaɨ gǝm nyɔ, “Kɛl nɨ nǝn gɔ n twama nʊ nɨ na Tɨkǝgaɨ jǝbɔ na Dɨltǝmɨ, wʊnɨ a bʊla a yǝla a gun nǝn kʊlɨɨ.