3 Nǝngɔ a bʌ ji gɔ, “N yʊtǝm mwɛ sagsag won, ja maa jemi?” Nǝngɔ ja jǝla gǝn gɔ, “Na a Yohanaɨ.”
A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.
Nǝbɔ gwam, jǝbɔ nǝb yotǝm kemʌn tǝmɔ tʌji, kwama ja nyʊwa kɛl Yesui, ja jǝla gɔ gola Kwaamaɨ n dǝngdǝng, n gola jǝlatǝm Yohana a yʊ ji mwɛ sagsagɨ.
Ja mɛla gǝm a mʊgɔ gola Tɛlalɔɨ. Mɨ nǝn fiyel a mʊgɔ kɛl. Gǝ mɛla mɛla bɨlǝngkɛl nyangǝn a dul Yesui. A nyǝm yʊtǝm mwɛ sagsag Yohanaɨ kwaagɔ.
Jʊ a bwɨɨ, Yʊwa Kwaamaɨ lǝga bɔ a gǝla kaa nǝl gǝm wo dɨn. Jʊ a bwɨɨ ja yʊ ji ka mwɛ sagsag a mʊgɔ dun Tɛlalɔ Yesui.
Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.
jǝbɔ mɛlalɨ a dul yʊtǝm mwɛ sagsag, jǝbɔ yatǝm kang bwili, jǝbɔ guntǝm a bwaa, jǝbɔ borang dɨltǝm yooligɔ.
