Maajɨ Bɛtɔ Twamagɨɨ 15:3 - Dadiya NT

³ Mʊrkalɨ nǝb bwangtǝm Kwaamaɨ a ywa jii, nǝngɔ ja shui. Ja kɛla a tǝm Finikiya jǝbɔ Samariya, jǝ nǝ fulonɔ lɛ kanga Bʌtʌbɔ a nǝ bɨlǝngkɛlɨ, nǝbɔ gwam a nyʊwa kɛl nɨɨ, ja maa fulotǝm nǝl dangǝn.

Maajɨ Bɛtɔ Twamagɨɨ 15:3 交叉參考

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Maajɨ Bɛtɔ Twamagɨɨ 21:5

Kwama guntǝm nǝnɔ a laɨ, nǝngɔ nǝn gun nǝn ja kǝga nǝn yɔm nǝnɨ. Gwam jinɔ jǝbɔ nɔɔtǝlam jinɔ jǝbɔ bɛtɔ lɔ jii, ya ja ywa nǝn a gul tuulɔ. Nǝngɔ nǝn jʊng a kʌng mwɛ nǝn maa keligɨɨ.

Titus 3:13

Bɛ ń sʊ kwaan tɨkalɨ Zinasɨ, nǝ nyǝmtǝm diilɔ, jǝbɔ Afolos, ja ta gola. Ka ń jǝla lɛ ja lɛ kaa jǝl.

1 Korinti 16:11

Ka jǝ́ soga gǝn nɛ. Jǝ́ ywa gǝn nǝn lǝma a gola, a yǝla a daa mǝ woi, jʊ a bwɨɨ mǝ dʌng gola gǝnɔ lɛ nǝbɔ kambɔ.

1 Korinti 16:6

Kɛna mǝ ta bʊtɔ lɛ a daa jen woi, n ja shenagɔ wo, sǝ jǝ́ ywa ɨ a daa nɨ mǝ yɔ lɛ wo gwamɨ.

Roma 15:24

Mǝ ya nǝl lɛ n tɨ n kuwo jen, na mǝ shu lɛ a tǝm Asbaniyaɨ. Na n yɨ dǝm n nyʊwa lǝma yɨmɔ a daa jen woi, mǝ ya nǝl lɛ mǝ ya jǝ́ ywa ɨ wo.

Maajɨ Bɛtɔ Twamagɨɨ 15:12

Nǝngɔ mʊrkalɨ nǝbɨɨ gwam a yɨ shigi. Jǝ nyʊwa Barnaba lɛ jǝbɔ Bulus kanga jǝ nǝ ji fulon kɛl kanjǝl jǝ laatǝm kang nɨ lɛ Kwaama a maa a gola maajɨ jinɔ a kʊm Bʌtʌbi.

2 Korinti 1:16

Swɨtǝm mǝndɨ n tang a daa jen woi na mǝ shu lɛ a Makidoniyaɨ, na n yǝla mǝ bɛ lɛ a Makidoniyaɨ mǝ swɨ lɛ n tang a daa jen woi tag, sǝ jǝ́ ywa ɨ na mǝ yǝla mǝ shu lɛ a Yahudiyaɨ.

Maajɨ Bɛtɔ Twamagɨɨ 28:15

Nǝb bwangtǝm nɨ a Romaɨ, ja nyʊwa fulon nǝnɨ, nǝngɔ ja bɛ ba ja yo nǝn a gamdʌbo Abiyus, jǝbɔ daa nɨ jǝ jo lɛ gɔ daa Shigtǝm Taal. Bulus a kuwo jii, nǝngɔ a buu Kwaama gǝm kangɨ, nǝngɔ a nya kwaanɨ.

Maajɨ Bɛtɔ Twamagɨɨ 13:52

Nǝb bwangtǝm Kwaamaɨ a Antakiyaɨ, ja maa fulotǝm nǝl dangǝn, ja yii nǝn Yʊwa Kwaamaɨ.

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 8:14

Nǝn kwama bɛtɔ twama nɨ a Urushalimaɨ a nyʊwa nǝbɔ Samariyaɨ a yo kɛl Kwaamaɨ, nǝngɔ ja twam jim Bitrus jǝbɔ Yohanaɨ.

Luka 15:32

A la nyɔ bǝ maa bǝlátǝm jǝbɔ fulotǝm nǝl, jʊ a bwɨɨ kɨla mɔ nɨ a bʊlaɨ, a yǝla a fulo tag. A lɛla, ja nya gǝn.’ ”

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 15:1

Nǝngɔ kaam nǝb a jel a Yahudiya ja bɛ a Antakiyaɨ, jǝ mɛla nǝb bwangtǝmɔ gǝm lɛ jǝ sʊwa lɛ gɔ, “Na ja biyo jem bɔ mwɛn kanga diil Musaɨ a nʊngɨ, mɨsɔ jǝ́ nya bʊʊtǝm lɛ.”

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 15:22

Nǝngɔ bɛtɔ twamagɔ jǝbɔ dʊʊmɔ jǝbɔ mʊrkalɨ nǝb bwangtǝm Kwaamaɨ pʌd, ja kuwo a bʊm nyɔ jǝ jǝg kaam nǝb a kʊm ji jǝ twam a Antakiya, jǝbɔ Bulus jǝbɔ Barnaba. Nǝngɔ ja jǝg Yahuza wʊnɨ jǝ jo lɛ gɔ Barsabaɨ, jǝbɔ Sila, wʊnɨ jǝ nǝb dʊʊm a kʊm nǝb bwangtǝmɨ.

Maajɨ Bɛtɔ Twamagɨɨ 15:32

Yahuza jǝbɔ Sila, kanga jǝ nǝbkuwotǝmkǝgaɨ, nǝngɔ ja kʊʊ kambɔ gǝm nǝlɨ, nǝngɔ ja sʊ jim kwaanɨ.

Maajɨ Bɛtɔ Twamagɨɨ 17:15

Nǝb nɨ a ywa Bulusi, ja yɔ nǝn gɔ a Atina. Kwama jǝ yǝlam lɛɨ, nǝngɔ Bulus a twam ji a daagɔ Sila woi jǝbɔ Timotii, gɔ ja bɛ ba ja nya gǝn dǝbǝr. Nǝngɔ ja yǝlaɨ.

Maajɨ Bɛtɔ Twamagɨɨ 20:38

Ja maa fitǝm nǝl a kɛl nɨ a sʊwa ji gɔ mɨsɔ jǝ kuwo gǝn nɛ wo tagɨ. Nǝngɔ ya ja ywa gǝn a daa nɨ tɨyamwɛngɔ woi.