Mateo 27:62 - Porciones del Nuevo Testamento

⁶² Nrũẽma ẽnaʉ̃bada ewade sacerdoterã nokꞌorãta fariseorã bawara Pilato kĩrãbita zhi jʉredꞌape,

Mateo 27:62 交叉參考

Mateo 26:17

Fiesta obʉdata ewari nabemane pan ne oreguea ne ẽã kꞌobadadꞌe izha jʉrʉkuadꞌata Jesúsma zedꞌape mawũãsidꞌa: ¿Bʉara sãma odꞌaita krĩñape Egiptodꞌeba ẽzoadꞌata krĩcha nekꞌobadara?

Marcos 15:42

Keubodꞌodꞌera aribꞌae jirpanasia nrũẽma sábadodꞌe ẽnaʉ̃bada ewari baera.

Juan 19:14

Maʉ̃nerã aribꞌae jirpanasia Egiptodꞌeba ẽzoadꞌata krĩcha fiesta obadadꞌebemata, maʉ̃nerã ʉ̃matipa nʉmasia. Maʉ̃ne Pilatobara judíorãã mawũãsia: ¡Za bꞌidꞌa mazhi Rey!

Juan 19:31

Maʉ̃ ewadera aribꞌae jirpanʉta Egiptodꞌeba ẽzoadꞌata krĩcha fiesta obadata odꞌaidꞌera nrũẽmarã ẽnaʉ̃bada ewari basia. Mawũẽ judíorãma biga ẽbasia zhãrã ari cruzdꞌe jizoa nʉmaĩrã ẽnaʉ̃bada ewade. Maʉ̃nerã ewari ẽnaʉ̃badara ne bia basia. Mawũẽ Pilatoa jarasidꞌa cruzdꞌe jizoa nʉmʉrã jẽrũ bꞌʉekuabipe mamaʉ̃bara ãĩ jirakuabimarẽã.

Juan 19:42

Egiptodꞌeba ẽzoadꞌata krĩcha judíorãba fiesta odꞌaita aribꞌae jirpanʉ baera mawũã beuwãrã wuagꞌaita arakꞌaita nʉmʉ maẽ edꞌa tabꞌʉsidꞌa Jesúra.