12 Kerata kꞌãwũã mʉ kꞌakua ʉ̃rʉ̃ weabʉrʉra aribꞌaebʉrʉa mʉ wuagꞌa bꞌʉdꞌaita.
Naʉ̃ wũẽrãbara izha osia bꞌʉta obʉrʉa. Mʉ kꞌakuara nawedꞌa keraba tũã obʉrʉba aribꞌaebʉrʉa mʉ wuagꞌa bꞌʉdꞌaita.
Sábado ẽnaʉ̃bada ewarita berabꞌaribʉrʉdꞌera, María Magdalenaba, dewarabema María Jacobo papaba, dewara Saloméba kerata edasidꞌa wãnaĩta Jesús kꞌakuata tũã odꞌaita.
Mobe jẽrũya dedꞌaa wãnape kerata osidꞌa beuwãrã kꞌakua chiratʉdꞌaita. Nrũẽma ẽnaʉ̃bada ewade ẽnaʉ̃sidꞌa Daizezeba jara bꞌʉ kĩrãkꞌa.
Mawũẽ Jesúsbara mawũãsia: Idaribirua, Maríabara mʉ wuagꞌa bꞌʉdꞌai ewariita wuagꞌa erubꞌasia naʉ̃ kerara.
