Mateo 13:14 - Porciones del Nuevo Testamento

¹⁴ Ãzhi mawũã bꞌedꞌebara arimaẽ berabꞌari nʉmʉã Daizezedꞌeba Isaíaba mawũãnata: Mʉ bedꞌeara ũrĩ bꞌeidꞌu sãwũãta kꞌawuadꞌa ẽbaya, akʉ bꞌeidꞌu sãwũãta kꞌawuadꞌa ẽbaya.

Mateo 13:14 交叉參考

Marcos 4:12

Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã. Mawũã bꞌedꞌebara kꞌazhiruara ãmape Daizezera pẽwãna ẽã izha bedꞌea ne ẽã bꞌʉkuaira kꞌazhiruata biodꞌeba.

Lucas 8:10

Mawũãnaĩ izhara mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina awʉrʉrã izhidꞌebema ĩjã ẽã bꞌeara ne biodꞌeba jaraibara. Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã.

Romanos 10:16

Mawũãmina judíorã jõmaʉ̃bara ĩjãna ẽbasia Cristodꞌebema bedꞌea biara. Maʉ̃ẽnabemata Isaíabara mawũãsia: ¿Nokꞌó, kꞌaiba ĩjãbʉrʉ daiba jarabʉdara?