19 Mawũãmina marãta nokꞌorãã chãbꞌaribʉdadꞌera sopuarãũdua sãwũã bedꞌeadꞌai kꞌareara, maʉ̃nerã Daizezeba marãã diaya sãwũã bedꞌeadꞌaita.
Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.
Maʉ̃neba mʉã marãã jaraya: Sopuarãũdua mazhi bꞌaidꞌebema kꞌarea, kꞌãrẽta kꞌoidꞌe o kꞌãrẽta doidꞌe, miã mazhi kꞌakuaita kꞌãrẽta jʉ̃ĩne sopuarãũdua. ¿Dazhi bꞌʉra audre vale bꞌʉ ẽka zhiko kꞌãñabara, kꞌakuara audre vale bꞌʉ ẽka wua kꞌãñabara?
Mawũẽ sopua mawũãrãũdua: ¿Kꞌãrẽta kꞌodꞌaipe, kꞌãrẽta dodꞌaipe, kꞌãrẽta jʉ̃naĩpe?
Mawũẽ ewari nubema kꞌarea sopuarãũdua, ewari nubemabara sopua nʉmaĩrã we bꞌʉa. Ewariza nʉmʉã bĩ ẽã sopua nʉmaĩrã.
De zhi jʉrebada nʉmeza marã webʉdata nokꞌorã bedꞌea araa obada kĩrãbita webʉdadꞌera, perarãũdua sãwũã panaʉ̃naĩ kꞌareara, o kꞌãrẽ jaradꞌai kꞌareara.
Maʉ̃nerã Jawurebiaba marãã jaraya marãba kꞌãrẽ jaraira.
Mawũãmina krĩchata poea bꞌedꞌa ẽbasia Jawurebiadꞌeba bedꞌea bꞌʉba.
