31 Mawũãĩ izha jʉrʉkuadꞌabara mawũãsidꞌa: Akʉdua kꞌabanaba bʉra sãwũã pẽũsua wãbidꞌata, maʉ̃ta bʉara ¿mʉrã kꞌaiba tõbꞌarisi abʉrʉka?
Mawũãĩ Jesús izhi ũme wãbʉrʉdꞌera kꞌabanata kꞌaidꞌu wãbʉdaba pẽũsua wãbisidꞌa.
Maʉ̃ne Jesúsbara izhi bitabaiba kꞌawuasia zhãrã bꞌeidꞌebema zareata ãĩ wãbʉrʉta izhi maẽba, mawũẽ kꞌabanama pʉrʉwape mawũãsia: ¿Kꞌaiba tõbꞌarisi mʉ wuara?
Mawũãsidꞌaidꞌu Jesúsbara ari pʉrʉwa akʉkua nʉmasia kꞌawuai kꞌarea kꞌaiba tõbꞌaridꞌata.
Maʉ̃ne Jesúsbara mawũãsia: ¿Mʉrã kꞌaiba tõbꞌarisi? Jõmaʉ̃ba tõbꞌaridꞌa ẽãta jarasidꞌa, maʉ̃ne izhi ũme kꞌopanʉ bawarauba Pedroba mawũãsia: Miã Ũrãgꞌabari, kꞌabanaba bʉra pẽũsua wãbidꞌata, ¿mʉrã kꞌaiba tõbꞌarisi abʉrʉka?
Maʉ̃ne ewari keudꞌe izha jʉrʉkuadꞌata docebara orradꞌape mawũãsidꞌa: Zhãrã kꞌobꞌera wãbigarua wãnamarẽã pʉwʉrʉ zake tabꞌema, meã arakꞌaita bꞌema, maʉ̃za kꞌãĩguebʉdaba ũdudꞌamarẽã zhikota. Dazhirã namarã kꞌobꞌea kꞌãrẽ ne ẽã maẽ.
