68 Mawũãĩ izhara merãbʉrʉta mawũãsia: Maʉ̃ mʉãrã ũdukꞌa, mʉãrã kꞌawua ẽã bʉa kꞌãrẽ jara kꞌobꞌʉra. Mawũãpe edꞌa zebadaidꞌu wãbʉrʉdꞌera gallo berusia.
Pedrora arajĩga kꞌaidꞌu wãsia sacerdote wagꞌau drogꞌoaidꞌu edꞌa. Mobe Daizeze de akʉbada bawara jewedꞌasia tebʉ kꞌã.
Nezokꞌa wũẽrãba wakusa ũdui mama kꞌobꞌea mawũãsia: Za naʉ̃ ãzhirãnebema.
Mawũãĩ izhara wakusa merãsia. Audre ẽãne mama kꞌobꞌebara wakusa Pedroa mawũãsidꞌa: Bʉra Galileadꞌebema baera wãrãne kꞌãʉ̃rãnebema, bʉ bedꞌeabʉrʉra bedꞌea bꞌʉa kꞌãʉ̃rã kĩrãkꞌa.
Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.
