31 Mawũãĩ Pedrobara wuaabʉrʉ mawũãsia: Bʉ ũme beuita babʉrʉsidꞌa mʉã bʉra ũdukꞌata jara ẽã. Mawũãĩ jõmaʉ̃ba abꞌarika jarasidꞌa.
Bariduba zhãrã kĩrãbita mʉ pẽwã bꞌʉ ẽã ara, mʉãbidꞌa mʉ pẽwã bꞌʉ ẽã aya mʉ Zeze ʉ̃tre bꞌʉ kĩrãbita.
Mawũãĩ ãzhara mawũãsidꞌa: Daibara bꞌedꞌaya. Mawũãnaĩ Jesúsbara mawũãsia: Marã wãrĩnu mʉ zuburiai kĩrãkꞌara zuburiadꞌaya.
Mawũãĩ Jesúsbara mawũãsia: Mʉã wãrĩnu bʉaa jaraya: Nane diamase gallo beruma ũme berui nawedꞌa bʉa mʉrã ũdukꞌata jarama ũbea jaraya.
Getsemaní abadaidꞌu zekuape Jesúsbara izha jʉrʉkuadꞌaa mawũãsia: Nama jewedꞌaudua, mʉta zhiwidꞌi kꞌobꞌʉedꞌa.
Mawũãĩ ãzhara wuaabʉrʉ nemi jĩgua jarasidꞌa cruzdꞌe kꞌachibimarẽã. Sacerdoterã nokꞌorã bawara ãzhi mawũã nemi jĩgua bꞌiabʉdaba aribꞌaesia.
Mawũãĩ Pedrobara mawũãsia: Nokꞌó, ¿mʉrã kꞌãrẽneba kꞌãwũãwedꞌara bʉ kꞌaidꞌu wã bꞌe ẽpe? Mʉrã bʉ kꞌarea beuya.
