17 Maʉ̃ne Jesúsbara mawũãsia: Mʉ kꞌaidꞌu panadua, mʉnebemata ĩjãnamarẽã mʉã marã zhãrã ũrãgꞌabarita panabiya.
Galileadꞌebemata do jedꞌea õbꞌʉ doya Jesús taidꞌe ũdusia Simónta, zhi mebea Andrésta. Do jedꞌea õbꞌʉ maẽ atarraya bꞌari panasia bꞌeda beamiãta panasi baera.
Mawũãĩ ãzhara audre ẽãne atarraya kenabꞌaridꞌape kꞌaidꞌu jʉ̃drʉsidꞌa.
Abꞌarika Jacobo Juan ũme perasidꞌa Zebedeo warrarãta, bꞌeda kꞌaudꞌa panʉta Simón bawarabemata panasia. Jesúsbara Simoũã mawũãsia: Perarãrũã, mʉnebemata ĩjãnamarẽã idꞌidꞌeuba bʉra zhãrã ũrãgꞌabarita bꞌaya.
