2 Sacerdoterã nokꞌorãta bꞌera ũrãgꞌa Moisédꞌe jarabadata bꞌera krĩcha jʉrʉ bꞌeasia Jesús sãwũã beadꞌaita, ãzhara wawia bꞌe baera zhãrã bꞌeta.
Mawũẽ fariseorã wãnape krĩcha jʉrʉsidꞌa Jesús beadꞌaita.
Mawũãmina uvadꞌe trajabadabara zhi warrata ũdudꞌai ãzhirãĩnu mawũãsidꞌa: Ne zhi zezedꞌera naʉ̃ba jidaya, mawũẽ beadꞌaya, aramaʉ̃ne dazhirãba jidadꞌaya izha jidaita bꞌʉra.
Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.
Ewari ũme wãẽã nʉmasia Egiptodꞌeba ẽzoadꞌata krĩcha fiesta obadata, maʉ̃nerã pan ne oreguea ne ẽã kꞌobada. Maʉ̃ne sacerdoterã nokꞌorãta ũrãgꞌa Moisédꞌe jarabada bawara krĩcha jʉrʉsidꞌa Jesús sãwũã sewadꞌape jidadꞌaita, aramaʉ̃ne beabidꞌaita.
Sacerdoterã nokꞌorãbara ũrãgꞌa Moisédꞌe jarabadabara aramaʉ̃ta jida krĩñasidꞌa mawũã ne jarabʉrʉbara ãzhita jarabʉrʉta kꞌawuabʉdaba. Mawũãmina wawiasidꞌa zhãrãta.
Sacerdoterã nokꞌorãbara, fariseorãbara jarasidꞌa iabꞌaʉba sãma bꞌʉta kꞌawuara jaramarẽã jidadꞌaita.
Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.
