36 Bia edabʉdata izhi wã maẽ zhãrãbara ãzhidꞌe wua ãnebꞌari bꞌeta ewarazoasidꞌa odꞌe.
Kꞌabanabara bia edabʉdata ãzhidꞌe wua ãnebꞌari bꞌeta odꞌe ewarazoasidꞌa. Waya dewaraurãbara pãrãrã kiduata tʉdꞌape odꞌe tadꞌazoasidꞌa.
Aramaʉ̃ne wesidꞌa Jesúsma, mobe wua ãzhidꞌe ãnebꞌari panʉta burro kũrãne ʉ̃rʉ̃ kꞌobꞌʉdꞌape Jesús bꞌaribisidꞌa.
Olivo kꞌatumaneba edꞌaa wãbari kꞌaita zebʉdadꞌera, izhi pẽwã bꞌeta kꞌabanarã jõma sobiabʉdaba nemi jĩgua Daizeze ibia jarasidꞌa, ne jõmaʉ̃ biata obʉrʉta ũdudꞌapeadꞌa kꞌarea.
