5 Aramaʉ̃ta izhi nokꞌoa dewe bꞌeta abꞌa abꞌaʉdꞌe trʉ̃kua naarabemaa mawũãsia: ¿Mʉ nokꞌoa bʉra sõmbe dewepe?
Mawũã widꞌibʉrʉdꞌera abꞌa wesidꞌa millon bio deweta.
Mawũãmina nezokꞌa maʉ̃ta wãbʉrʉdꞌera ũdusia abꞌarika nezokꞌata abꞌa izhaa wĩka deweta, mawũẽ ojʉ̃ãbara jidape mawũãsia: Mʉãã dewera pagꞌadua.
Daiba bia ẽãta odꞌadꞌebara daira bedꞌea ne ẽã duanebirua, daiba bedꞌea ne ẽãne edabada kĩrãkꞌa dai bĩ ẽã obʉdata.
Mʉã ya kꞌawuabʉrʉa kꞌãrẽ oira, kꞌãwũãrã mʉ ne akʉ bꞌʉta jãrĩbʉdadꞌera zhãrãba mʉ ãzhi dedꞌa bia edadꞌaya.
Mawũãĩ maʉ̃bara mawũãsia: Mʉrã dewea galon mil olivo dragꞌata. Mawũãĩ mawũãsia: Ĩñabasia jewedꞌape naʉ̃ kꞌartadꞌe bꞌʉtadua quiniento diai bꞌʉta.
