22 Mawũãmina zhi zezebara izhi nezokꞌarãã mawũãsia: Wua audre biata jiraedadꞌape jʉ̃biudua. Anillota juwuadꞌe jʉ̃biudua, albarca jẽrũne jʉ̃biudua.
Maʉ̃ne warrabara mawũãsia: Zeze, mʉrã kꞌazhirua obʉrʉa Daizeze kĩrãbita, bʉ kĩrãbita. Ya mʉrã bʉ warra aidꞌe bꞌʉ ẽã.
Pakꞌa zake boregueata wedꞌape beaudua, nekꞌodꞌaya fiesta odꞌaya.
Awuarabʉrʉ Nokꞌo Jesucristo kĩrãkꞌa bꞌeba orãũdua zharaba krĩñata.
Zhi jarama Daizezebara bedꞌea ne ẽã bꞌʉita Jesucristodꞌebemata ĩjãbʉrʉdꞌeba, maʉ̃ta izhidꞌebemata ĩjãbʉda jõmaʉ̃ĩtabema, mawũẽ miõta awuara eda ẽã.
Marãba Jawurebiata jidadꞌabara marã nezokꞌata bꞌʉ ẽbasia, mawũẽ nezokꞌata bꞌeadꞌa kĩrãkꞌa wakusa pera bꞌeaidꞌe bꞌʉ ẽã, awuarabʉrʉ Jawurebiara jidasidꞌa marã Daizeze warrarã babidꞌata. Izhidꞌeba dazhirãbara Daizezea ¡Zeze! abada.
