48 Aramaʉ̃nerã marã krĩcha abꞌarika bꞌea mazhi zhibarirãba odꞌapeadꞌadꞌera. Ãzhara wãrãne beakuasidꞌa, waya marãbara maʉ̃rã joudꞌapeadꞌa nʉmema ne pãrãbada.
¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Mawũẽ beuwãrã joudꞌapeadꞌa totroa nʉme kĩrãkꞌa bꞌea, ʉ̃rʉ̃rã wãrĩnu bi-ia nʉmeã, mawũãmina edꞌara beudꞌa bꞌʉwʉrʉba bira nʉmeã, mitia nʉmeã.
Aramaʉ̃nerã ari mazha kꞌawua bꞌeta marã urua Daizezeba bedꞌeata jarabibarirã beakuadꞌapeadꞌata bꞌeadꞌadꞌeba.
¡Marã Daizezebara kꞌawua oya! Marãbara Daizezeba bedꞌeata jarabibarirã joudꞌapeadꞌa nʉmema ne pãrãbada, maʉ̃rã beakuasidꞌa marã zhibarirã bꞌeadꞌaba.
Maʉ̃ba arimaẽ kꞌawua Daizezebara mawũãsia: Mʉãrã marãma zokꞌaya mʉã bedꞌeata jarabibarirãta, mʉ bedꞌeata jara wãbadata. Maʉ̃rãnebema ʉ̃kʉrʉ beakuadꞌaya, ʉ̃kʉrʉra zuburia odꞌaya pẽwã.
Mawũã bꞌebara kꞌawua bꞌea Daizezebara pua kꞌawua oita, aramaʉ̃nerã maʉ̃ kꞌaudꞌa bꞌera aduaita beuya. Mawũãsiidꞌu maʉ̃ kꞌaudꞌa bꞌea, aramaʉ̃ne sobia bꞌea maʉ̃ kꞌaudꞌa bꞌe bawara.
