59 Ewari ocho babʉrʉdꞌe zesidꞌa warra zakera kꞌakua eta kꞌõbidꞌaita. Maʉ̃ne zhi zeze trʉ̃ne trʉ̃ jara Zacaría asidꞌa.
Todꞌata ewari ocho babʉrʉdꞌera warra zakera kꞌakua eta kꞌõsidꞌa, mobe Jesústa trʉ̃gasidꞌa ángelba jaradꞌa kĩrãkꞌa bꞌiogꞌoai nawedꞌa.
Daizezebara jarasia izhidꞌeta bꞌaira zhũmakĩrã kꞌakua eta kꞌõmarẽã. Maʉ̃ba Abrahambara zhi warra Isaac kꞌakua eta kꞌõsia todꞌata semana abꞌa bꞌʉta. Isaacba abꞌarika osia Jacobota, Jacobobidꞌa abꞌarika osia zhi warrarã doceta, Israel bꞌe zhibarirãta.
