12 Mobebʉrʉ Jesúsbara mawũãsia: Zeudua, nekꞌoudua. Izha jʉrʉkuadꞌabara miõba bʉra kꞌaipe adꞌa ẽbasia kꞌawuasidꞌa baera Nokꞌota.
Aramaʉ̃ne miõba panaʉ̃ bꞌedꞌa ẽbasia izhi bedꞌeara. Miõba kꞌãrẽ widꞌi ẽbasia maʉ̃ ewadeba ʉ̃taara.
Maʉ̃ta jarabʉrʉra ãzhara sãwũãta kꞌawuadꞌa ẽãta perasidꞌa widꞌidꞌaita.
Maʉ̃ta jarabʉrʉra ãzhara sãwũãta kꞌawuadꞌa ẽbasia sãwũãta kꞌawuabiga ẽãba. Perasidꞌa maʉ̃ bedꞌeata widꞌidꞌaira.
Jesúsbara kꞌawuasia widꞌi krĩña kꞌobꞌeta, mawũẽ mawũãsia: ¿Marãbara mazhirãĩnu widꞌi kꞌobꞌe ẽka mʉã mawũãnata: Dããrã ẽãne marãbara mʉrã ũdudꞌa ẽbaya, mawũãmina dããrã ẽãne mʉrã wakusa ũdudꞌaya?
Mawũãĩ Simón Pedrora jãbadꞌe edꞌa wãpe atarraya drua webʉrʉta bꞌeda zromarãba bira wesia, bꞌedara bꞌasia ciento cincuenta y tres. Mawũã biomina atarraya tʉdꞌʉzoa ẽbasia.
Nekꞌodꞌa tẽã Jesúsbara Simón Pedroa mawũãsia: Simón Jonás warra, ¿bʉa mʉrã audre kʉãgꞌakꞌa naʉ̃rãne kꞌãñabara? Mawũãĩ panaʉ̃ mawũãsia: Ããjã Nokꞌó, bʉa kꞌawua bꞌʉa mʉã bʉra kʉãgꞌata. Mawũãĩ mawũãsia: Jʉredua mʉ pẽwã bꞌeta.
Maʉ̃ne izha jʉrʉkuadꞌara zesidꞌa, mawũẽ bia akʉdruasidꞌa wũẽrã ũme bedꞌea kꞌobꞌʉba, mawũãmina miõba widꞌidꞌa ẽbasia kꞌãrẽta widꞌi bꞌʉra, o maʉ̃ wũẽrã ũme kꞌãrẽ ʉ̃rʉ̃ bedꞌea kꞌobꞌʉra.
Ũdubiga ẽbasia zhãrã jõmaʉ̃ã, awuarabʉrʉ daia ũdubigasia Daizezebara daira maʉ̃ kꞌarea jʉrʉdꞌaba nawedꞌa. Daira izhi bawara nekꞌosidꞌa baniã dosidꞌa beudꞌata piradrʉdꞌa tẽã.
