23 Soldaorãbara Jesús cruzdꞌe kꞌachidꞌape izha jʉ̃ bꞌadꞌara jirakua edadꞌape kĩmarẽta abꞌaʉdꞌe drasidꞌa soldaoza. Wua ãnebꞌari jʉ̃ bꞌadꞌasidꞌa jidasidꞌa, maʉ̃ wuara kĩrã tẽũ kꞌasudꞌapeadꞌa ẽbasia, awuarabʉrʉ jipa abꞌa kꞌadꞌapeadꞌa basia ʉ̃tʉba edꞌaa.
Jesús cruzdꞌe kꞌachidꞌape soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape. Aramaʉ̃ne arimaẽ berabꞌarisia Daizezeba bedꞌeata jarabibariba mawũãnata: Mʉ wuara ãzhirãĩnu drasidꞌa sãwũã dradꞌaidꞌebemata odꞌape.
Cruzdꞌe kꞌachidꞌape soldaorãbara izha jʉ̃ bꞌadꞌara ãzhirãĩnu drasidꞌa, maʉ̃nerã sãwũã dradꞌaidꞌebemata osidꞌa kꞌawuadꞌaita sãʉ̃ta edeita abꞌa abꞌaʉba.
Maʉ̃nerã Jesúsbara mawũãsia: Zeze, bedꞌea ne ẽã bꞌʉkuadua ãzhara kꞌawuadꞌa ẽbaera kꞌãrẽ obꞌeta. Maʉ̃nerã soldaorãbara izhi wuara ãzhirãĩnu drasidꞌa sãwũã dradꞌaidꞌebemata odꞌape.
Mawũã jidabipe bꞌʉsia cárceldꞌe. Mobe soldaorã dieciseia chãbꞌarisia zhiya kĩmarẽba trokꞌa akʉdꞌamarẽã. Izhara kꞌawua oita ãĩ edape zhãrãã ũdubigaita krĩchasia fiesta tẽã.
