34 Aribꞌaeita zhiwidꞌita mʉã marãã jaraya: Zhiya kʉãgꞌaudua, mʉã marãta kʉãgꞌa bꞌʉ kĩrãkꞌa.
Waya mʉã marãã jaraya, kʉãgꞌaudua marã jura bꞌera, ibia jaraudua marã ikꞌazhirua jara bꞌera, bia oudua marã jura bꞌera, zhiwidꞌiudua marã zuburia obꞌebarira.
Mʉã marãã jaraya: Zhiya zhi kʉãgꞌaudua.
Aramaʉ̃nerã jõma abꞌa bꞌeaya. Zeze, mawũãrã bʉta mʉne bꞌʉ kĩrãkꞌa, mʉta bʉdꞌe bꞌʉ kĩrãkꞌa, ãzhisidꞌa dazhi ũme abꞌa bꞌeaya. Aramaʉ̃ne ẽjũãne bꞌebara ĩjãnamarẽã mʉrã bʉa zokꞌadꞌata.
Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.
Kʉãgꞌabara zhãrã bĩ ẽã o ẽã. Mawũẽ Moisé ũrãgꞌara aribꞌae nʉmaña zhãrã kʉãgꞌa bꞌʉba.
Zhãrãã deweta bꞌearãũdua miã kꞌãrẽne. Awuarabʉrʉ dewedꞌe bꞌeaudua zhiya kʉãgꞌaita. Zhãrã kʉãgꞌa bꞌʉbara aribꞌae bꞌʉa Moisé ũrãgꞌata.
