14 Mʉta Nokꞌota Miã Ũrãgꞌabarita bꞌʉba marã jẽrũta sʉgʉbʉrʉba, marãsidꞌa abꞌarika jẽrũ sʉgʉdꞌaibara zhiya.
Maʉ̃ Maríara Lázaro kꞌaya nʉmʉ nawekꞌaubara tẽãne kerata Jesús jẽrũne ʉ̃rʉ̃ weape izhi budꞌaba põãsã jaresia.
Ne jõmaʉ̃ne mʉã marãã jaradia bꞌʉa mawũã traja kꞌarebai barata kꞌãrẽ nesidꞌa bꞌera. Nokꞌo Jesús bedꞌeata bude baudua mawũãnata: Dazha awʉrʉa kꞌãrẽ diabʉrʉba dazhira audre sobiaya awʉrʉba diabʉrʉta jidai kꞌãñabara.
Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.
Mazhirãĩnu bia bꞌeaudua, zhãrã kꞌãñabara zhi zromane bꞌearãũdua, awuarabʉrʉ zuburia bꞌe bawarara abꞌarikadꞌe bꞌeaudua. Krĩcha banane bꞌearãũdua mazhi krĩchaba.
