7 Mawũẽ Jesúsbara wakusa mawũãsia: Mʉã wãrĩnu marãã jaraya: Mʉta puerta ovejarãneã.
Jesúsbara mawũãsia: Mʉã wãrĩnu marãã jaraya: Ovejarãne kꞌorrata nʉmʉ maẽ puertadꞌe edꞌa wãbʉrʉ ẽãrã, awuarabʉrʉ jãpe wãrĩze edꞌa wãbʉrʉra nezrʉgamiã.
Mʉta puerta. Mʉneba edꞌa wãbʉrʉra ẽdrʉya. Aramaʉ̃ne adu-a bꞌaya mʉã bia erunʉmʉba.
Mawũãĩ Jesúsbara mawũãsia: Mʉta oa, mʉta wãrã, mʉta bꞌai jõ ẽãnebema. Mawũẽ miõta mʉ Zezema jũẽ ẽã, awuarabʉrʉ jũẽña mʉneba.
