12 Mawũãmina pagꞌa bꞌʉkꞌãrĩnata ovejarã akʉbari ẽãbara ovejarã izhidꞌe ẽbaera usa pã zebʉrʉta ũdubʉrʉdꞌera ovejarã ãmaẽkua wãẽba wãbaria, mawũẽ usa pãbara ovejarã kꞌa jãrãzoabibaria.
Mʉã marã zokꞌabʉrʉa ovejarãta zokꞌabʉrʉ kĩrãkꞌa usa pãta bꞌedꞌe edꞌa. Mawũẽ krĩcha bara bꞌeaudua dãma kĩrãkꞌa, adu-a bꞌeaudua pusirã kĩrãkꞌa.
Kĩrãkuita bꞌeaudua sewata Daizezeba bedꞌeata jarabibaridꞌe bꞌe kꞌarea, marãma zedꞌaya oveja zhãrã zuburia odꞌakꞌa kĩrãkꞌa, mawũãmina sodꞌera usa pãne kĩrãkꞌa zhãrã warrea ẽãta bꞌea.
Pagꞌa bꞌʉkꞌãrĩnarã mawũã wãẽba wãbaria, plata kꞌarea nʉmʉ baera sopua ẽã ovejarã kꞌarea.
Mawũãmina puertadꞌe edꞌa wãbʉrʉra ovejarã akʉbaria.
Puerta jʉ̃ã bꞌʉbara maʉ̃ edꞌa wãmarẽã ewabaria, ovejarãbara izhi nemirã ũrĩkꞌawua bꞌea, izhi ovejarã trʉ̃ jara ãĩ jʉre edebaria.
Mʉãrã kꞌawua bꞌʉa mʉ wãna tẽã marã maẽ edꞌa zedꞌaya usa kꞌazhirua kĩrãkꞌa bꞌeta, maʉ̃rãbara mebẽrã ãrĩnaña.
