32 Juanbara dewara mawũãsia: Jawurebia Daizezedꞌeta mʉã ũdusia ʉ̃treba pusirã kĩrãkꞌa uruta, maʉ̃ bꞌarisia Jesú ʉ̃rʉ̃.
Jesús buru kꞌoepe doedꞌauba drua wãta taidꞌe, bãjã ewa dogꞌoba Jawurebia Daizezedꞌeta ũdusia pusirã kĩrãkꞌa izhi ʉ̃rʉ̃ uruta.
Maʉ̃ne doedꞌauba drua wãta taidꞌe, bãjã ewa dogꞌota ũdubʉrʉdꞌera Jawurebia Daizezedꞌeta ũdusia pusirã kĩrãkꞌa izhi ʉ̃rʉ̃ uruta.
Mawũẽ Jawurebiata izhi ʉ̃rʉ̃ zesia pusirã kĩrãkꞌa. Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.
Jesús kꞌaira mʉãrã kꞌawua ẽbasia, mawũãmina Israel bꞌeba ũdukꞌawadꞌamarẽã mʉãrã zhãrãta buru kꞌoe zebʉrʉa baniãba.
Maʉ̃ zesia ʉ̃nanebemata jarakꞌaita, aramaʉ̃ne jõmaʉ̃ba ĩjãnamarẽã izhidꞌeba.
Mawũãmina mʉ Zezeba mʉnebemata jara bꞌʉa, mʉã kꞌawua bꞌʉa mawũã mʉnebemata jara bꞌʉra wãrĩnuã.
