58 Pʉwʉrʉdꞌebara ãĩ ededꞌape mongꞌaraba tabꞌari jidasidꞌa, sewa nebʉrʉ ji kꞌobꞌebara ãzha wua ãnebꞌari bꞌera wẽãnape kũrã jẽrũ kꞌaita bꞌʉsidꞌa akʉmarẽã, maʉ̃ Saulo basia.
Mawũẽ piradrʉdꞌape pʉwʉrʉdꞌebara Jesús ãĩ jʉretabʉdata edesidꞌa kꞌatuma ãmiãĩnu, maʉ̃ kꞌatumane tabꞌasia ãzhi pʉwʉrʉra, mawũã edesidꞌa mamaʉ̃ba bʉretadꞌaita.
Esteban bʉdꞌebema jarabarita beasidꞌadꞌera mʉsidꞌa mama kꞌobꞌadꞌaba mʉma biga basia izhi beabʉdara, zrʉgadꞌa ẽbamarẽã mʉã akʉsia izhi bea kꞌobꞌe wuara.
Aramaʉ̃ne ãzhira kĩrũ jʉra bꞌikua wua ãzha ãnebꞌari bꞌera niãwe, nejarra ewaradꞌe jãmapo jirpanʉba,
Mʉãrã pẽwã bꞌasia Jesúsdꞌebema ĩjã bꞌera beaita, jidakuape cárceldꞌe chãbꞌariita zhũmakĩrãrãta wũẽrãrãta.
Mʉãrã maʉ̃ta osia Jerusalénne. Mʉãrã Jesúsdꞌebema ĩjã bꞌera bio cárceldꞌe bꞌʉkuasia mawũã oi zareata diabʉdaba nokꞌorã sacerdoterãba, beakuabʉdara mʉma biga basia.
Mawũẽ ʉ̃kʉrʉa pagꞌasidꞌa sewa nebʉrʉ mawũãnamarẽã: Daibara ũrĩsidꞌa kꞌãʉ̃bara bĩ ẽã jarabʉrʉta Moiséta, Daizezeta.
Maʉ̃nerã sewa nebʉrʉbibʉdabara mawũãsidꞌa: Naʉ̃bara bĩ ẽã jara tau ẽã naʉ̃ Daizeze deta, Moisé ũrãgꞌata.
Mawũãĩ bꞌia ãzhi kʉwʉrʉ ãna jidadꞌape Esteban orraedasidꞌa.
Sauloma biga basia Esteban beabʉdara. Abꞌaʉ ewade mebẽrã bĩ ẽã osidꞌa Jerusalénne bꞌeta. Mawũẽ Jesúsba zokꞌakuadꞌa wãna ẽãnerã ãzhira jõma jãrãzoa wãsidꞌa Judea druadꞌe, Samaria druadꞌe.
