20 Ewari kꞌazhiruaba ʉ̃madau miã chĩdau ũdu ẽã ewari bio basia, pusa nanguba kꞌãbãẽã bomatʉbi nʉmʉba daibara krĩchasidꞌa daira ẽdrʉdꞌa ẽãta.
Aramaʉ̃ta jari ewadera mawũã zuburia nʉmana tẽãne ʉ̃madaura pãrĩguya, jedꞌekꞌora ʉ̃na ẽbaya, chĩdaura bãjãneba jurzoaya, ne zarea zromarãta bãjãnebema pʉrʉderreadꞌaya.
Ewari ũbeadꞌe daibara dazhi juwuaba doidꞌu pepekuasidꞌa netata barcodꞌebema.
Aramaʉ̃ne Pablobara daira nekꞌodꞌa ẽã ewari bio badꞌeba ãzhi ẽsadra nʉmepe mawũãsia: Biga bakꞌausia mʉ bedꞌeata ũrĩsidꞌabʉrʉ, mawũãrã Creta dodꞌudꞌeba jizoa ẽbakꞌausia kꞌãwũã ne ãrĩne ne aduabidꞌe.
