20 Aramaʉ̃ne mʉãrã marã biaitabema idaribi ẽã jarasia jõmaʉ̃ daidꞌu, jarasia dezabidꞌa.
Mawũã ne jarakꞌa ẽãrã bedꞌea ẽbasia, mawũãmina izha jʉrʉkuadꞌaa jõma bia jarakꞌa bꞌasia dobꞌaʉdꞌe.
Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia.
Mʉãrã idaribi ẽã jõma jarabʉrʉa ũrãgꞌa Daizezedꞌera.
Maʉ̃ba kĩrãkuita bꞌeaudua, bude bꞌeaudua mʉãrã año ũbea diamase ewaridꞌe daubꞌadꞌe ũrãgꞌa tau ẽã bꞌadꞌata marã abꞌa abꞌakꞌa.
Mobe maʉ̃ nendodꞌadꞌebemata plata ãĩ edasia, maʉ̃ kꞌawuasia zhi kĩmabidꞌa, aramaʉ̃ne zhi wuaabemata edepe chãbꞌarisia Jesúsba zokꞌakuadꞌaa.
Ewariza Daizeze dedꞌa ewara maẽ jara bꞌeasia deza jara bꞌeasia Jesucristodꞌebemata.
