17 Aramaʉ̃ta griegorã jõmaʉ̃ba Sóstene de zhi jʉrebada maẽ nokꞌota jirtopota jirachisidꞌa nokꞌorã kĩrãbita. Mawũãmina Galiónbara araa akʉ ẽbasia.
Zhãrã kꞌawua obari maẽ jewedꞌa kꞌobꞌʉdꞌe zhi kĩmaba bedꞌeata mawũã jarabuesia: Kꞌãʉ̃ biata bꞌʉra idaribirua, idꞌi mʉrã kꞌãĩmokꞌara kꞌãbãẽã sopuasia izhi kꞌarea.
Maʉ̃ne zesia de zhi jʉrebada maẽ nokꞌota Jairo abadata, Jesústa ũdui izhi jẽrũ kꞌaita sãkꞌokꞌodꞌe kꞌobꞌepe,
Mawũã beudꞌata piradrʉdꞌata ũrĩbʉdadꞌera ʉ̃kʉrʉbara sewakꞌau bꞌʉa asidꞌa, waya dewaraurãbara mawũãsidꞌa: Daibara bʉ bedꞌeara tẽãne ũrĩnaña maʉ̃nebemata wakusa.
De zhi jʉrebada maẽ Crispo nokꞌoba Nokꞌo Jesúsdꞌebema ĩjãsia izhi dedꞌa bꞌe jõmaʉ̃ bawarauba. Corinto bidꞌarãba ũrĩbʉdadꞌera bioba ĩjã buru kꞌoe nʉmeãsia.
