39 Aramaʉ̃ne ãzhirãĩnu krĩcha abꞌarika zedꞌa ẽãba zhiya zhi tʉsidꞌa. Bernabébara Marco edebʉrʉta barcodꞌe wãsia dodꞌu Chipreidꞌu.
Mawũãmina ãzhirãnebema ʉ̃kʉrʉ bꞌeasia Chipredꞌebemata, Cirene druadꞌebemata, maʉ̃rãta Antioquíaidꞌu jũẽkuabʉrʉdꞌera griegorããbidꞌa bedꞌea biata jarasidꞌa Nokꞌo Jesúsdꞌebemata.
Mawũã kꞌawuape María dedꞌa zesia Juan papa maẽ, Juan abꞌaʉta Marco basia. Bio mama zhi jʉre duanasia zhiwidꞌi.
Maʉ̃ kꞌarea Pablo Bernabé ũme kꞌaikꞌaiasidꞌa ãzhi bawara. Mawũẽ Pablo Bernabé ũme mebẽrã ʉ̃kʉrʉ bawara Jerusalénʉẽna wãrĩzebisidꞌa Jesúsba zokꞌakuadꞌama, nokꞌorã mebẽrãnema, aramaʉ̃ne bedꞌeadꞌamarẽã maʉ̃nebemane.
Bernabébara ãzhi bawara ede krĩñasia Juan abꞌaʉta Marcota.
Mamaʉ̃ba jizoabʉdadꞌera dodꞌu Chipre ãbʉde wãsidꞌa pʉ̃ãdrʉta ãña nʉmʉba.
Maʉ̃ne bꞌasia Joséta, Jesúsba zokꞌakuadꞌabara maʉ̃ trʉ̃gasidꞌa Bernabéta, maʉ̃ trʉ̃bara jara krĩña bꞌʉa Sobiabibari Warrata. Izhira levitarãta dodꞌu Chipredꞌebema basia.
Maʉ̃ ewadera Jesúsdꞌebema ĩjã bꞌera eaba wãsia, maʉ̃ne griego bedꞌeadꞌe bedꞌea bꞌeba jara jirpanesia hebreo bedꞌeadꞌe bedꞌea bꞌeta, jarasidꞌa pẽdrarã griegorãnebema bia aribꞌaedꞌa ẽãta kꞌarebata ewariza nʉmʉnerã.
