18 Maʉ̃ta jarasidꞌamina kenabꞌaribi bꞌedꞌa ẽbasia kꞌabanaba ãzhiita ne beaita kꞌobꞌera.
Naʉ̃rã za bꞌebara sodꞌebara sãwũãta kꞌawuadꞌa ẽbaya, ũrĩ bꞌeidꞌu ũrĩ bꞌedꞌa ẽbaya, dabʉ ãna bꞌeba dabʉbara akʉdꞌa ẽbaya, ũrĩ bꞌeidꞌu sodꞌebara sãwũãta kꞌawuadꞌa ẽbaya, kꞌazhiruara ãmape Daizezera pẽwãna ẽbaya mʉã ẽdrʉbigaira. (Isaías 6:9-10)
Maʉ̃nerã Jesúsbara kꞌawuasia izhira zareadꞌe edeita kꞌopanʉta rey babidꞌaita, mawũẽ wakusa kꞌatumaẽna wãsia izhi dobꞌa.
Izhidꞌebema kꞌawuabiga ẽã nʉmʉkꞌãrĩ ẽãba biata obꞌʉa. Aramaʉ̃ne dazhirãĩta bãjãneba kue zebi bꞌʉa, ewarita zebi bꞌʉa ne zaudꞌamarẽã, aramaʉ̃ne maʉ̃ba sobia bꞌabiga bꞌʉa dazhirã sora.
Maʉ̃ne judíorãta ʉ̃kʉrʉ zesidꞌa Antioquíadꞌeba Iconioneba, maʉ̃rãbara kꞌabanata krĩcha ãrĩsidꞌa. Aramaʉ̃ne mongꞌaraba tabꞌari jidasidꞌa Pablora, mobe pʉwʉrʉdꞌebara ãĩ ertasidꞌa beusita krĩchadꞌape.
