San Lucas 22:3 - Manityanati Tupax

³ Auki axti chobores sɨroti au nausasɨxti Judas, tamanti axɨpekukimia axɨmanuma doce nesaxti apóstoles, axti naki nɨrixhti uimia Iscariote.

Manitanati Tuparrü

³ Auqui süroti choborese auti Judas, nürirrtito Iscariote, naqui eanaqui manuma doce apostolerrü.

San Lucas 22:3 交叉參考

San Mateo 10:4

Axti Simón maniki cananeo, axtityo Judas Iscariote, naki uiche aityoximianati Jesús.

San Mateo 26:23

Aiñumuti Jesús nuraxɨma: –Tamanti naki ipiankatati pan ichepeñɨ auna aukiche ixhaka, ityoximianatiñɨ ñana.

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

San Lucas 22:21

Ne'esti naki uiche aityoximianañɨ ane auna, ichepe niñee.

San Lucas 6:16

axti Judas, aɨtoxti Santiago, ichepeti Judas Iscariote, naki uiche aityoximianati Jesús.

San Juan 12:6

Tapɨti Judas nanti axɨna sane, chɨtɨpɨ ui axɨna kuasɨrɨma ɨmoti axɨbama taruku nityakisɨrɨkɨxɨma, ityopiki kusɨpɨxti, mekuti nakax axɨmanu nimonixhimia, nantaxtai kusɨpɨoti aruki.

San Juan 13:18

“Chixhanityakapɨ ɨmo namanaiña axaño. Tusiu iñemo ñakusanema axɨbama samamekanama sobi. Axɨna nantɨ iku Nikorox ta omixhankio ñana: ‘Axti naki basoti ichepeñɨ, chuxiampɨ uiti iñemo.’

San Juan 13:2

Axti chobores chauki tɨsɨro uiti nomɨnantɨ au nausasɨxti Judas aɨtoxti Simón Iscariote, nauki aityoximianati Jesús. Axti Jesús tusiu ɨmoti ta esakiti Tupax ayetitɨ, auki sɨrotitɨ tatityo ñana esati Tupax, uiti Yaɨtoti toxio ɨmoti nanaiña ɨriakaboti.

Hechos 5:3

Auki Nanti Peru ɨmoti Ananías: –Ananías, ¿kausane akokonaunka ɨmoti chobores? Sɨsio obi au napo aruki axɨmanu monixh toxio aemo ityobo axɨmanu ñanaunx, sane apanka ɨmoti Espíritu Santo.