San Juan 10:10 - Manityanati Tupax

¹⁰ Axti kusɨpɨx kuatatiatai akusɨpɨti, atabaiti nauki aiñamesokoti nanaiña. Tapɨ axɨñɨ isekatɨ nauki ane kɨtɨpɨx ausɨborikibo sobi.

Manitanati Tuparrü

¹⁰ ‛Arrti cusüpürrü cuati nauqui acusüpüti, atabaiti y nauqui aiñamesocoti. Pero arrüñü isecatü nauqui yache yosüborquibo niyabu nobirramanca, arrüna chütacürusupü.

San Juan 10:10 交叉參考

San Mateo 18:10

“Tapɨ chɨkuasɨrɨpɨma aume axɨbama masiomanka. Tyopiki sukanañɨ aume au napes axɨbama nesaxɨma ángeles aboma asaramatɨ nantax ɨmo nisuxti Iyaɨ au napes.

San Mateo 18:11

Tyopiki axti Aɨtoxti ñoñɨnx kuatati yubapa axɨba amonkio omensoro.

San Mateo 20:28

Tyopiki, sanentityo Aɨtoxti ñoñɨnx, chɨkuatatipɨ nauki aserebimia ɨmoti, ta kuatati nauki aserebiti nauki aityoximiatityo nisɨborikixhti ityoboma axɨbama taruku nububikixhimia.

San Mateo 21:13

Nantityo ɨmoma: –Iku axɨba Nikorox nantɨ sane: ‘Axɨna nipo tyone samamekana ɨmo nipo meankax’, tapɨ axaño apisamute takana nipo axɨbama makusɨpɨka.

San Mateo 23:13

“¡Autakisɨrɨkatai ñana, axɨbama apanunekaka bakɨpukux uiti Moisés ichepetyo axɨbama fariseos, chapisamutempɨ axɨna amukanaño!, axaño apiñamata tyurux ɨmo napes tapɨ sɨromatɨpo makiataka. Axaño chamekapɨtɨpo, chichebopityo aboi aɨromatɨpo axɨbama xhanxɨma aɨromatɨpo.

San Marcos 11:17

Auki manunekanati, sane: –Yuku axɨba Nikorox nantɨ: ‘Axɨna nipo toxio ipobo meankax ɨmo namanaiña axɨbama ikuki axɨna kɨx’, tapɨ axaño apisamute takana nipo makusɨpɨka.

San Lucas 19:10

Axti Aɨtoxti ñoñɨnx kuatati apacheti iyo axɨna ensoro nauki aikiaɨbutityo eanaki nomɨnantɨ.

San Juan 10:1

Auki nanti Jesús: “Axaño tusiu aume axɨbamantai makusɨpɨka ichepe mayatabayoka tobɨsoma onɨki korax nauki ayepo uimia.

San Juan 10:11

Axɨñɨ ipiaka nuxia yasaratɨ yutaku nobixhaka. Axti naki ipiaka asaratitɨ yutaku nobixhaka ityoximiatati nisɨborikixhti yutaku.

San Juan 12:47

Axti naki onkoiti nisura ta chikokotatipɨ, chɨsobipɨ atakisɨrɨti. Tyopiki axɨñɨ chisekapɨtɨ nauki atakisɨrɨma axɨbama ikuki axɨna kɨx, axɨñɨ isekatɨ nauki ataesɨbuma namanaiña eanaki nomɨnantɨ.

San Juan 12:6

Tapɨti Judas nanti axɨna sane, chɨtɨpɨ ui axɨna kuasɨrɨma ɨmoti axɨbama taruku nityakisɨrɨkɨxɨma, ityopiki kusɨpɨxti, mekuti nakax axɨmanu nimonixhimia, nantaxtai kusɨpɨoti aruki.

San Juan 3:17

Tyopiki axti Tupax chɨbakɨpurutipɨ ɨmoti Aɨtoxti nauki anityomokoti ɨmo axɨna kɨx, ta nauki ataesɨbuma uiti eanaki nomɨnantɨ.

San Juan 5:40

axaño chauxiankapɨ abetɨ yesañɨ nauki aye aboi axɨmanu ausɨborikibo.

San Juan 6:33

Tyopiki axɨna pan toxio uiti Tupax, tyone axɨna kuatɨ auki napes uixh ane ausɨborikibo iku axɨna kɨx.

San Juan 6:51

Axɨñɨ tyone axɨmanu pan sɨboriko kuatɨ auki napes. Axti naki iñatenti axɨna pan, sɨborikoti ɨmo nanaiña naskɨbeka. Axɨmanu pan toxiobo sobi tyone axɨna nisɨtɨpɨ. Toxio ñana sobi ityobo nisɨborikixhimia namanaiña axɨbama ikuki axɨna kɨx.”

Romanos 2:21

Axtɨ sane, axɨkɨ anunekaka ɨmo makiataka, ¿kausane chanunekakapɨ aemoantoe? Axtɨ anunekaka chuxiampɨ basɨpɨ, ¿kausane akusɨpɨ?

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

Hebreos 6:17

Saneityo axti Tupax, naukiche xhanxti aityusiankati ta ñemanauntu toxio ñana uiti axɨmanu ɨriotɨ uiti ɨmoma axɨmanuma ɨmoche anityati, ta isamutenti ñana sane takana axɨmanu nuraxti.

Hebreos 7:25

Sane naukiche axti Jesús ane maximiakatax uiti ɨmoma axɨbama sɨromatɨ esati Tupax auki nakaxti, tyopiki sɨborikoti ɨmo nanaiña naskɨbeka, nauki ankiti pɨnanakiti Tupax tyakuma.

2 Pedro 1:11

Ui axɨna sane aurɨbo aume tyurux nauki amenotɨ esati Yɨriabux Jesucristo ñome nanaiña naskɨbeka axti naki uiche ane maximiakatax oemo.