1 Juan 4:7 - Manityanati Tupax

⁷ Masarukityaiki, tari ukuasɨrɨ oemoantoe, tyopiki axɨna makumananaunkux kuatɨ esakiti Tupax. Axti naki makumananaunx tyonenti aɨtoxti Tupax ta isuputaratityo Tupax.

Manitanati Tuparrü

⁷ Masaruquitaiqui, bama cuasürü iñemo, tari ocuasürüra oemoantoe. Itopiqui arrti Tuparrü tarucu ñacumananauncurrti oemo. Arrtü ucuasürüca oemoantoe, tusio que aütorrti Tuparrü oñü, y tuisuputacati nurria.

1 Juan 4:7 交叉參考

1 Juan 4:20

Axtɨ anati naki nanti sane: “Kuasɨrɨti Tupax iñemo”, tapɨ kuatati yarukityoxti tɨborikotiatai, taruku ñapantuxti. Axtɨ chɨkuasɨrɨtipɨ oemo usaruki, naki basakati, chɨkuasɨrɨtipityo Tupax oemo, naki chubasakatipɨ.

1 Juan 4:8

Axti naki chɨmakumananautipɨ ta tyopiki chisuputaratipɨ Tupax, tyopiki axti Tupax taruku ñakumananaunkuxti.

1 Pedro 1:22

Axaño kaɨma apikokota axɨna ñemanauntu nuraxti Tupax, sane naukiche axti Tupax ikiaɨbutati aukɨtɨpɨki nanaiña nomɨnantɨ, nauki ñemanauntu akuasɨrɨma aume axɨbama usarukityaiki. Sane tari taruku naukuasɨrɨkɨ aumeampatoe aɨbu narukux aume.

1 Juan 2:10

Axti naki kuasɨrɨti kiatax ɨmoti anati au nanentax, champɨ isane uiche atapeneti.

Gálatas 5:22

Tapɨ axɨna nisamukuxti Espíritu Santo, tyone numakumananaunku oemoantoe, axɨna nupukɨnunku axtɨ uxia osoi oemoantoe, axɨna masamunaunka aɨbuti kiatax, kuasɨrɨti kiatax oemo, nupukɨru tyakuti kiatax, nupukɨnunku,

2 Timoteo 1:7

Axti Tupax chɨtoxiotipɨ Espíritu Santo oemo uiti nauki taruku nuixhuku, ta nauki aruku nuxia oemo, nauki makumananau naukityo mapanau.

1 Juan 4:12

Axti Tupax champɨti naki astaiti kausane nakaxti. Tapɨ axtɨ ukuasɨrɨka oemoantoe, axti Tupax po'osoti okɨtɨpɨ axɨmanuintyo ñakumananaunkuxti ane okɨtɨpɨ.

1 Juan 2:29

Axaño tusiu aume, axti Jesucristo isamutenti nanaiña axɨna uxia ɨmoti Tupax, tari atusityo aume ta namanaiña axɨbama isamutema axɨna uxia ɨmoti Tupax tyonema axɨbama aɨtoxti.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

2 Corintios 4:6

Tyopiki axti Tupax naki bakɨpuruti tɨkañe nauki ane basarux au tomikianene, tyonenti naki uiche ane basarux au nuyausasɨ, nauki anentax osoi ɨmo makiataka, ui numanunekaka ɨmoma axɨna niyarusɨrɨkɨxti Tupax axɨna ane kuara kɨtɨpɨti Jesucristo.

Gálatas 4:9

Tapɨ kaɨma axɨna tausuputakati Tupax, saneityo, tisuputarati año Tupax, ¿kausane amenotɨ tatityo apikokoroma axɨmanuma champɨ nɨriakaxɨma, nauki kumanakax tatityo año uimia?

San Juan 13:34

“Toxio sobi aume axɨna aɨbo bakɨpukux: Aukuasɨrɨ aumeampatoe. Sane takana naukuasɨrɨkɨ iñemo.”

1 Corintios 8:3

Tapɨ axtɨ anati naki kuasɨrɨti Tupax ɨmoti, axti Tupax isuputarati.

1 Juan 2:3

Axtɨ uikokota bakɨpukux uiti Tupax, ñemanauntu usuputakati.

1 Juan 2:4

Tapɨ axtɨ anati naki nanti: “Axɨñɨ isuputakati Tupax”, tapɨ yakɨpukuxti chikokotatipɨ, taruku ñapantuxti, chɨnantipɨ axɨna ñemanauntu.

1 Juan 2:7

Masarukityaiki, axɨna bakɨpukux xhakonomoka aume chɨtɨpɨ aɨbo: tyone axɨmanu tɨkañe apasutiu aukiapae maɨbo. Axɨna bakɨpukux nanankax tyone axɨna tɨtusiu aume.

1 Juan 3:9

Champɨti taman aɨtoxti Tupax isamutenti axɨna nominainte, tyopiki ane kɨtɨpɨti nisɨborikixhti Tupax. Sane naukiche champɨ chɨchebopɨ ɨmoti aisamunenti axɨba nomɨnantɨ tyopiki tyonenti aɨtoxti Tupax.

1 Juan 4:11

Masarukityaiki, axtɨ axti Tupax sane nukuasɨrɨkɨ ɨmoti, axoñɨntyo tari sane nukuasɨrɨkɨ oemoantoe.

1 Juan 4:16

Sane naukiche atusi oemo uikokotaityo ta ukuasɨrɨka ɨmoti Tupax. Axti Tupax tyonenti axɨna makumananaunkux, axti naki kuasɨrɨma ɨmoti axɨbama yarukityoxti po'osoti kɨtɨpɨti Tupax, axti Tupax po'osotityo kɨtɨpɨti.

1 Juan 5:1

Namanaiña axɨbama ikokotama axti Jesús tyonenti Mesías, tyonenti aɨtoxti Tupax. Axti naki kuasɨrɨti ɨmoti naki aboma aɨtoxti, kuasɨrɨmaintyo ɨmoti axɨbama aɨtoxti.

2 Juan 1:5

Kaɨma xhankikia amopɨnanaki masarukityaiki nauki ukuasɨrɨ oemoantoe. Axɨna xhakonomoka aume axɨna bakɨpukux chaɨboataipɨ, ta tyoneantoe axɨmanu toxio oemo naukiche uikokoroti Cristo.