Waebulaniya 4:1 - Biblia Ching'hwele

¹ Ivo kwaviya chiya chilagano cha kwingila hanhu hake ha kuhumula ching'hali baho, leka chiiteganye bule ivo imwenga wenu kezahapuwa hanhu haja.

Lagano da Sambi kwa Wanhu Wose

¹ Ivo kwaviya chiya chilagano cha kwingila hanhu hake ha kuhumula ching'hali baho, leka chiiteganye bule ivo imwenga wenu kezahapuwa hanhu haja.

Waebulaniya 4:1 交叉參考

Peta 14:34

Kwa peta ya siku zimpelembe isi, siku malongo mane, chila siku yopetigwa kuwa mwaka. Kwa ichimu cha uhasanyi wenu, mwizagaya kwa miyaka malongo mane na mwizavimanya kuwa nihilwa.

Masayo 24:48

Mbali msang'hani yehile kolonga mwenyewo kuwa mwenevale wake kokalama kubwela,

Sang'hano 3:19

Samh'samheni na mumbwelele Mulungu, muladi yamulekeleleni uhasanyi wenu. Muhatenda ivo,

Waloma 11:20

Yayo ni kweli! Yabenigwa kwaviya hayahuwile bule, na weye kwima kwa uhuwilo wako. Sekewiigode mbali udumbe.

Waloma 3:23

kwaviya wanhu wose watenda uhasanyi na kuhungukiligwa na utunhizo wa Mulungu.

1 Wakolimso 10:12

Wanhu wowogesa kuwa wema chigangamavu, waitiganye sekewagwe.

2 Wakolimso 6:1

Muna isang'hano yetu hamwe na Mulungu, chomulambani mweye muhokele unovu wa Mulungu sekechage bule.

Wagalatiya 5:4

One muhalolela kutendigwa munoga haulongozi ha Mulungu kwa nzila ya Malagilizo ya Mulungu yoyamwing'hile Musa, muigola kutali na Chilisito, muleka unovu wa Mulungu.

2 Timoseyo 2:13

One cheye hachiwa wanhu waminika, yeye kezasigala mwaminika, kwaviya hadaha kugalula chiya chiyalongile.”

Waebulaniya 12:15

Muiteganye munhu yoyose sekeyagize unovu wa Mulungu. Wala mzizi wili usungu sekeusuke mgati mmwenu na kuwagalila magayo wanhu wengi kwa usede wake.

Waebulaniya 12:25

Kwa ivo iteganyeni sekemwize kulema kumtegeleza iyo yolonga na mweye. Fana wanhu waja walemile kumtegeleza ija yowazuma hano mwiisi hawahonyokwe bule, vino cheye chizadahaze kuhonyokwa one hachimtegeleza ija yochizuma kulawa kuulanga?

Waebulaniya 13:7

Wakumbukeni walangulizi wenu wowamgong'ondeleni mbuli ya Mulungu. Geseni viya viwakalile na kudanganika, higeni uhuwilo wawo.

Waebulaniya 3:11

Niilaha kwa ludoko nilonga, ‘Hawezakwingila ng'o hana ihanhu hangu ha kuhumula.’ ”

Waebulaniya 4:11

Ivo chiiyohe chingile muna imhumulo iyo, muladi munhu yoyose mgati yetu sekeyanangigwe kwa kulema kutegeleza fana viwatendile wanhu waja.

Waebulaniya 4:9

Kwaivo kung'hali kuna kuhumula kwa wanhu wa Mulungu fana viyahumule Mulungu siku desaba.