Luka 8:10 - Biblia Ching'hwele

¹⁰ Nayo kawedika, “Niwatenda mweye muzimanye Mbuli za Ufalume wa Mulungu. Mbali kwa wanhu wamwenga, nowalongela kwa masimwe, muladi, ‘walole mbali sekewawone, na wahulike mbali sekewavimanye.’

Lagano da Sambi kwa Wanhu Wose

¹⁰ Nayo kawedika, “Niwatenda mweye muzimanye Mbuli za Ufalume wa Mulungu. Mbali kwa wanhu wamwenga, nowalongela kwa masimwe, muladi, ‘walole mbali sekewawone, na wahulike mbali sekewavimanye.’

Luka 8:10 交叉參考

Masayo 11:25

Lusita ulo Yesu kalonga, “Nokutunhiza Tata, Mndewa wa isi na ulanga kwaviya mbuli zino kuwafisa weli na nzewele na ubala na kuwafunulila wana wadodo.

Masayo 16:17

Yesu kedika, “Vinoga, Saimoni mwana wa Yohana, kwaviya yano youlongile siwo ya chiunhu, mbali yakwizila siku zose kulawa kwa Tati yangu wa kuulanga.

Maliki 4:11

Yesu kawedika, “Mweye mwing'higwa kuzimanya mbuli zifisigwe za Ufalume wa Mulungu. Mbali waja weli kunze wozihulika mbuli izo kwa masimwe,

Maliki 4:12

muladi, Walole, mbali sekewawone, wahulike, mbali sekewavimanye, Kwaviya wahavimanya wodaha kumbwelela Mulungu, naye kezadaha kuwasegezela uhasanyi wawo.”

Yohana 12:40

“Mulungu kayapofula meso yawo, kaitenda midala mizoyo yawo, muladi sekewawone kwa meso yawo, na sekewavimanye kwa nzewele zawo, na sekewanihindukile, muladi niwahonye.”

Waloma 16:25

Lelo chimtunhize Mulungu! Yeye kodaha kumtendani mugangamale muna Imbuli Inogile yoniipeta kusonhela Yesu Chilisito. Na kugubula ukweli ukalile ufisigwe kwa miyaka mingi ifosile.

1 Wakolimso 12:11

Mbali Muhe Yelile ni ija ija imwe yoyotenda vinhu vino vose, komwing'ha chila munhu chitumetume mbasakanyo fana viyolonda Muhe Yelile.

Kumbukumbu 29:4

Mbali mbaka diyelo Mndewa Mulungu hanamwing'hani nzewele za kuvimanya hebu meso ya kuwona hebu magutwi ya kuhulika!

Wakolosai 2:2

Notenda ivo muladi kuwaguma moyo na kulumbilizwa muna ulondo, muladi wadahe kuwa na mvunyo mkulu wa umanyi, muladi waumanye ufiso wa Mulungu, niiyo iyo Chilisito mwenyewo

1 Timoseyo 3:16

Habule kuiuzagiza, ukulu wougubuligwe wa nzila yetu ya kumtambikila Mulungu. Kawoneka chiunhu, Muhe Yelile kamulagusa kuwa kanoga haulongozi wa Mulungu, kawoneka na msenga wa kuulanga. Kagong'ondigwa muna zisi zose, kahuwiligwa muna isi yose, kasoligwa kuulanga kwa Mulungu.