5 Yurabũ hamapai bika tenemisbu keska habũ meabumaki. Betsabu hatũ hiwea bika tenei hĩ hĩ ikaibũ habũ txakabuwaibũ haska shinaĩsbumaki.
Ha huni txakabubu hatu uĩkãwẽ! Habu unanuma hiwekaĩkĩ hatũ mabu tibi ewawabaĩkanikiki.
Hakia nukũ Shanẽ Ibũ nukũ yura kupikinã, nuku hawẽ tapĩmanũ, iwanã, nuku akikiki. Nuku kupibiatã ha Jesus ikũwãbumabe nuku tenã kayabiama ishanikiki.
Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.
