16 Senhor Deusuũ, miarã, mĩ pepa inũ mĩ dasibi nuikipaki. Mĩ duapahairawẽ ewẽ nuikĩ ea shinãkĩ menã ea kemariwe!
Senhor Deusuũ, mĩ nui paewẽ ewẽ dabanã iwe. Mĩ ewẽ nuimiswẽ taeshũ ẽ txakabu ea tere ashũwẽ.
Mĩ nuikiparã, mĩ nuku hiwea inãni keskama binuaki. Haskawẽ taeshũ ẽ huiwẽ ẽ mia kẽwãkubainaii.
Hakia Senhor Deusuũ, ẽ mia ea akaii. Ẽ Deusuũ, na habiatiã ea merabewawe! Mĩ nuihairawẽ ea kemawe! Mĩ ea putama ea merabewakubaĩmiswẽ taeshũ ea piskumariwe!
hanushũ Isaíasĩ yuikĩ: “Ea hãtxairã, Deus nuikipakiri ẽ hãtxakatsis ikaii. Dasibi hatũ nuku ashũmis inũ, Israelĩ enabu hawẽ duapa keyutimawẽ nuku duawamis inũ, nukuwẽ nuikĩ nuku betxipaimiswẽ taea ha kẽwaĩ ẽ kãtakatsis ikaii.
Nukũ txakabu maiwakĩ inũ ianẽwã merã pukua keska watã nuku heneama nukuwẽ ana nuikũkaĩshãwẽ.
