Salmos 40:11 - Kaxinawá Bíblia (BR)

¹¹ Senhor Deusuũ, ea betxipaiama ikama ewẽ nuikũkaĩwẽ. Mĩ nuikipawẽ inũ mĩ shinã kayabi mĩ betsa waismawẽ hawa heneama ea mekekubaĩwẽ.

Salmos 40:11 交叉參考

Salmos 43:3

Mĩ mati meribi mĩ hanu yubakani hari mĩ hiwea anuri ea iyukĩ mĩ bai shabakabi txasha wakĩ mĩ txanima hãtxawẽ ea uĩmawe, hau hatũ mĩ bai ea yusĩkĩ tapĩmanunã.

Salmos 23:6

Mĩ duapa inũ mĩ nuikipawẽ ea putama mĩ ebe nikũkaĩmiski, hatishũ ẽ hiweaitianã. Hanua mĩ ẽ shanẽ ibuwẽ taea atimas mĩ hiwe anu mapekea ẽ hiwepakeshanaii.

Provérbios 20:28

Shanẽ ibuhairatũ hawẽ shanẽ ibu mestẽwaĩ hiwei pekĩ hawenabuwẽ nuikĩ hatu pe mekekubaĩmiswẽ taeshũ tsuã hawẽ kushipa mebĩtirumaki.

Salmos 69:16

Senhor Deusuũ, miarã, mĩ pepa inũ mĩ dasibi nuikipaki. Mĩ duapahairawẽ ewẽ nuikĩ ea shinãkĩ menã ea kemariwe!

Salmos 69:13

Hakia Senhor Deusuũ, ẽ mia ea akaii. Ẽ Deusuũ, na habiatiã ea merabewawe! Mĩ nuihairawẽ ea kemawe! Mĩ ea putama ea merabewakubaĩmiswẽ taeshũ ea piskumariwe!

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.