23 Dasibibũ mã Senhor Deus duawamisbuũ, matũ huiwẽ kẽwãkãwẽ. Dasibi Jacó enabuũ, Senhor Deus pepawakĩ ewapawakãwẽ. Dasibi Israelĩ enabuũ, Senhor Deuski mesekĩ kẽwãkãwẽ.
Mia besti meribi hiwea mĩ kaneisma unãkĩ yurabu betsa betsapa dasibibũ mia yui mesewai datebetanã duawakĩ mia kẽwãshãkanikiki, mĩ pepawẽ kaneama mĩ akubaĩmiswẽ taeshunã”, akaibũ
Tsuabura Senhor Deuskiri mã pe hãtxakatsis ikairã, haki txiti ikĩ ikũwãkãwẽ! Hatunã, nuku merabewakĩ nuku mekekubainikiki.
Hamapai pikĩ nushuti akĩ hamapai betsa betsapa akinã, Deus duawanũ, iwanã, akubaĩkãwẽ.
Tsuabura shanẽ ibu inũ shanẽ ibuma Deuskiri pe hãtxamisbu Deusũ habu duawakĩ pepawakubainikiki.
Mai hirabi anu hiwebaunabũ Senhor Deus hau duawanũbũwẽ. Yura shukuabu tibi hiwebaunabũ Senhor Deus kẽwãkĩ hau duawanũbũwẽ.
Enabu pakubaĩkĩ Senhor Deuski mesekĩ kẽwãshãkanikiki. Hakiri hãtxakĩ yuibaũshãkanikiki, pakubaĩkĩ hakiri yui heneamarã.
