11 Txikishi mã hawa dayamawẽ taea hawa hayama mã nuitapakũkaĩshanaii, huni daya hayabumã matũ mabu matu biãbaina keskairã.
Tsuara eskarabes dayamis hawa hayama nuitapakubaĩmisbuki. Hamẽ tsuara daya txakayamamisburã, dasibi hayakubaĩmisbuki.
Txikishbũ hawara betxipaikĩ bikatsis ibiai hawa bitirubumaki. Hakia dayakapaburã, hamapai hayakubaĩmisbuki.
Tsuara txikish usha besti shinaĩ usha bestikũkaĩmisrã, dayamawẽ taea buni tenekubaĩshanikiki.
Tsuara mã nuitapakatsi ikamarã, usha bestiyamakãwẽ. Haskairã, ushama mã daya heneama piti itxapa teshe mã hayakũkaĩshanaii.
Hanu mibaĩbutiã txikishĩ hawa bai wama ibiaima hanu hatũ shekiwã tsekaibutiã hawena binũ ika kashũ hawa betxiama ishanikiki.
