17 Unanepa hãtxa txibainã, benimakũkaini inũ unanepa bai tanabaini unanuma mĩ hiwekũkaĩshanaii.
Hamẽ habu huni keĩsbumarã, habũ mai hirabi ibuwatã hawa bika ana teneama unanuma benimapakeshãkanikiki.
Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.
Unanepa hãtxa unãkĩ tapĩtã mĩ huĩti merã mĩ benima txakayamashanaii.
Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ
Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.
