2 Hanu shanẽ ibuhaira sinatai pubẽhairaitianã, inu betsa leão pubeĩ tekerẽ tekerẽ imis keskamisbuki. Tsuãra sinatamaiburã, habu tenãtiru hatũ hiwearã, mesehairaki.
Inu betsa leão pubeĩ tekerẽ imis keskai shanẽ ibu sinatakĩ hawẽ hãtxa kushipa hatu nĩkamamiski. Hakia shanẽ ibũ hawenabu hatu merabewakinã, hatu benimawamiski, basi anu ui eskarabes ikĩ txa amis keska hatu wakinã.
Hakia tsuãra txakabuwakĩ kanetã ea henebainirã, hawẽ hiwearã, ibubis txakabuwashãkanikiki. Hatũ ea danainã, hawẽ mawa betxipaikiki”, anikiaki.
Txaimakea inu leão hui kushipawẽ hi hi ikaya tsuã nĩkai datetirubumamẽ? Dasibi datetirubuki. Hamẽ Deusũ hawẽ tsuma ma yunuawẽ taearã, tsuã hãtxashũtirumamẽ? Tsuãra nĩkatã shabakabi hatu banabimatiruki.
Matũ mae mishki kenebaunibu inũ matũ hiwe hawẽ nabu nakishkũ tibi matuwẽ taea sai sai ibaũkĩ yura shukuabu mirimahaira mã hatu yamawakĩ beruniwẽ taeshũ maturi yamawariai beshãkanikiki. Mã hatu haska waniwẽ taea matunabu dakehairashãkanikiki.
