24 Tsuãra hawẽ bakebu betxipaiamarã, txakabuwai hatu nemakĩ pewakatsi isbumaki. Hamẽ tsuãra hawẽ bakebu betxipaikinã, hatu yusĩkĩ bebũkiri nema pewakubaĩmisbuki.
Ewariama hawarakiri mĩ bakẽ mia nĩkatiru yusĩkĩ pewakubaĩwẽ. Ha dukũ yusĩkĩ pewawe. Hakia ana mĩ pewatirumabia kupikĩ ha txakabuwaiwẽ tenãtikiri shinãtimaki.
Berunãbũ shinã pepa unãmarã, unaĩsmapatũ shinã txibaĩ patapakubainaibu hanushũ hatu pewakĩ hatu kusha kusha akĩ nĩkamakĩ hatũ patapa henematirubuki.
Hakia tsuãra txakabuwakĩ kanetã ea henebainirã, hawẽ hiwearã, ibubis txakabuwashãkanikiki. Hatũ ea danainã, hawẽ mawa betxipaikiki”, anikiaki.
—Tsuara eki txiti ikatsis ikinã, hau ea dukũ abukĩ txibãkubaĩshanũbũwẽ. Hamẽ ha dukũ hawẽ ibubu inũ, hawẽ aĩ inũ, hawẽ bakebu inũ, hawẽ betsabu inũ, hawẽ puibu abukĩ heneama inũ, hawẽ hiwea abukĩ heneamari ea abukĩ binumamarã, ẽ tsuma iturumaki.
