11 Dayai parananãtã mabu hawaira itxawamisburã, hawaira hawẽ mabu keyushãkanikiki. Hakia tsuãra unãshubira dayakĩ mabu itxawakubainairã, ewawashanikiki.
Mabu besti itxawakĩ hatu parãtã itxawairã, hawẽ pe hiwetirubumaki. Hakia haska Deusũ betxipaiai pepa besti txibãkubaĩmisburã, mawa kayabi anu kama piskutirubuki.
Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.
Hawara akatsi shinãbiaya hamapai betsawẽ taea tea atiruma unaĩ huĩti nishmamisbuki. Hakia haska uĩkatsis ikĩ shinãkĩ manakamis tashniaya benimamisbuki.
Hawa wamabia hawaira mabu betxipaikĩ bitã txipu hatsãtã ana hawẽ benimatirumaki.
Parananaĩ txanitxakabetanã mabu inũ pei itxapa itxawakubaini hawẽ hiwemisburã, kuĩ puabaini hawaira yamabaĩmis keskai hatũ mawa benamisbuki.
