1 Salomãonẽ unanepa hãtxa nĩkakãwẽ. Hawẽ bake unanepatũ hawẽ epa benimawamisbuki. Hakia hawẽ bake nĩkaismatũ hawẽ ewa kashamakĩ punu nuka wamisbuki.
Davĩ huni bake Israelĩ enabu shanẽ ibuhaira Salomãonẽ yusĩti hãtxa
Hawẽ bake unanepatũ hawẽ epã nemati hãtxa nĩkashũ txibãkubaĩmiski. Hakia bake habiaska beyai nĩkaismatunã, hawẽ epã nemati hãtxa danãkĩ hawa txibaĩsbumaki.
Bake unanepabũ hatũ ibubu benimawamisbuki. Hakia bake unaĩsmapabũ hatũ ibubu danãkĩ hatu dake wamisbuki.
Huni betsã bake waima hawẽ bake betsa unaĩsmapatunã, hawẽ epa nuimakĩ bika tenemashanikiki. Ha bake tatimatũ hawẽ epa hawa benimawamatirumaki.
Bake unaĩsmapatũ hawẽ epa sinatamakĩ hawẽ ewa huĩti nishma wakĩ danãmamiski.
Tsuãra huni bake hawa unãma unaĩsmapatũ hawẽ epa bika tenemakubaĩmisbuki. Aĩbũ hawẽ bene ha a txakayamakĩ hiwe txakamamisrã, hiwe shui anu ui tuis tuis ikũkaĩmis keskaki.
