8 Tsuabũra yushibu dami kẽwãkubaĩkĩ mia txibãkĩ henebaĩmisbuki.
Iã seuku anu ẽ hikikaĩyamanũ ea heneyamawe! Habũ ea danaĩbu anua inũ hene nuahaira meranua ea mekekĩ ea nesheriwe!
Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.
Mae tibi anu hiweabu inũ nukũ mai pakea hirabi anu hiwebaunabuũ, na eska hãtxa matu yuinũ nĩka peirawakubaĩkãwẽ. Senhor Jeová hanu haki nukuti Templo meribi anushũ haska txakabuwakĩ mã kanekubaĩmis matu txitekĩ matu yuikubaĩshanikiki.
Ana yushibu dami hawẽ parananaĩbu hiwea hayama txibãkĩ kẽwãyamakubaĩshãkãwẽ. Hiwea hayabumawẽ taeshũ hatũ matu mekekĩ merabewatirubumaki.
