19 Habianuri mabuyanibu inũ nuitapanibu ana haskama dasibi habiaska dabes ishãkanikiki, mawairã. Ha inũ, huni betsã hatu tsuma wakĩ escravo wanibu henebaini ana hatũ tsumama ishãkanikiki.
Habiaskariai yura betsa atxibaĩ hatu dayamakĩ yunutxakayamisbu ma hatu tenãburã, ana hatũ dayamanikã hui sai ikaibu hawa ana hatu nĩkama pes dakashãkanikiki.
Nuitapai yumeshanaibu haskakĩ Deusũ shaba uĩmakĩ kaĩmamismẽ? Huĩti nishmai hiwekũkaĩshanai haskakĩ Deusũ hatu hiwemamismẽ?
Hanu mawa bushanaibu anu mĩ ea iyukatsis ikai ẽ unaiĩ, dasibi mawabu hanu hatu mekekĩ mĩ iyumis anurã.
Yurabu dasibi besti wai mawamiskẽ hanushũ txipu Deusũ hatu unãti washanikiki.
