San Lucas 1:49 - Manitanati Tuparrü

⁴⁹ Itopiqui Nupu Tuparrü chiyaupü ñapanauncurrü. Isamute iñemo arrüna champü tacanache, itopiqui nürirri anaunu.

Manityanati Tupax

⁴⁹ Tyopiki axɨna taruku ñapanaunkux isamute sɨtɨpɨñɨ axɨna champɨ takanache. ¡Nɨrixh champɨ nipɨnate!

San Lucas 1:49 交叉參考

San Marcos 5:13

Torrio uiti ümoma. Süromatü manuma machoboreca ubau manio nupaucheca. Uirri caüma arrümanio nupaucheca rrepenteatai opipiacünaño esaqui manu yiriturrü. Bupaquio eana turrü y ububacara. Enterurrü mocoiño, nububiquirri taqui dos mil.

San Lucas 1:48

Itopiqui Nupu Tuparrü chütacürusupü ñaquioncorrü iyoñü. Arrüñü te nicumanacatarrü y ichaquisürücatai ümo. Auqui na caüma tusio ñome nanaiña crirrtianuca, ta isurusüca uirri.

San Lucas 1:50

Pucürusu itacu nanaiña ba opiñanaunta ümo para siemprerrü.

Efesios 3:20

Arrti Tuparrü puerurrti acumanati oemo manrrü pünanaqui arrüna manquiquia pünanaquiti, y manrrü pünanaqui arrüna puerurrü mapensario. Arrti tarucapae nüriacarrti y nicusüurrti arrüna aübuche ayurati oemo.

Apocalipsis 15:4

¡Ñacutipü naqui chübirrubupü aünanacü, Señor! ¡Ñacutipü naqui chümanaunupü aemo! Arrücüatai buenurrücü. Cuamatü ñana macrirrtianuca auqui nanaiña nacioneca, nauqui anauma aemo, itopiqui chauqui tarrtaimia arrüna naisamute.

Apocalipsis 4:8

Manuma süborico cadati taman abe seirri nipiarrti tacana nipia nutauma. Ubataso oboi sütoca auna omonü, y ñoquiana. Chümacansarapüma, naneneca y tobiquia nitosibirrimia namatü sane: Tarucu nüriacarrti Tuparrü, tarucu nüriacarrti Tuparrü, tarucu nüriacarrti Tuparrü, naqui champü tacanache nicusüurrti. Tanancatiatai tücañe, anati caüma, anatiquito ñana.